തൃശൂര്; എം ബി ബി എസ് അവസാന വര്ഷ പരീക്ഷ തുടരുമെന്ന് ആരോഗ്യ സര്വകലാശാല. വിദ്യാർത്ഥികൾ തുടർന്നുള്ള പരീക്ഷകളും എഴുതണം. മെഡിക്കല് കോളജ് പ്രിന്സിപ്പല്മാരുടെ യോഗത്തിലാണ് തീരുമാനം എടുത്തിരിക്കുന്നത്.
കൊവിഡ് നിയന്ത്രണങ്ങളെ തുടര്ന്ന് മതിയായ ക്ലാസുകള് ലഭിച്ചില്ലെന്ന് കാണിച്ച് വിദ്യാര്ഥികള് പരീക്ഷ ബഹിഷ്കരിച്ചിരുന്നു. പാഠഭാഗങ്ങളും പരിശീലനവും പൂര്ത്തിയാക്കാതെ പരീക്ഷ നടത്തുന്നതിനാലാണ് വിദ്യാർത്ഥികൾ പ്രതിഷേധം അറിയിച്ചത്. രണ്ടുമാസം കൂടി പഠനം പൂര്ത്തീകരിച്ച്തിന് ശേഷം മതി പരീക്ഷയെന്നാണ് വിദ്യാർത്ഥികളുടെ ഇപ്പോഴത്തെ നിലപട്.
പരീക്ഷക്കെത്തുന്ന കുട്ടികളുടെ എണ്ണം നോക്കി, പരീക്ഷ മാറ്റുന്നത് പരിഗണിക്കാമെന്ന് ആരോഗ്യ സര്വകലാശാല ഹൈക്കോടതിയെ അറിയിച്ചിരുന്നു. ഇതിനിടെയാണ് പരീക്ഷ തുടരുമെന്നുള്ള പ്രഖ്യാപനം.