പത്തനംതിട്ട ; മല്ലപ്പള്ളിയില് ഭക്ഷ്യ വിഷബാധ ഉണ്ടായെന്ന റിപ്പോര്ട്ടുകൾ പുറത്തു വന്നതോടെ അന്വേഷണം നടത്താന് നിര്ദേശം നല്കി ആരോഗ്യ വകുപ്പ് മന്ത്രി വീണാ ജോര്ജ്.. സംഭവത്തെപ്പറ്റി അന്വേഷിച്ച് അടിയന്തരമായി തന്നെ റിപ്പോര്ട്ട് നല്കാന് ഭക്ഷ്യ സുരക്ഷാ വകുപ്പ് കമ്മീഷണര്ക്ക് മന്ത്രി നിര്ദേശം നല്കിയിട്ടുണ്ട്. കീഴ്വായ്പൂർ സ്വദേശി റോജിന്റെ മകളുടെ മാമ്മോദീസ ചടങ്ങിൽ പങ്കെടുത്തവർക്കാണ് ഭക്ഷ്യവിഷബാധയേറ്റത്. എഴുപത്തോളം ആളുകൾക്കാണ് വയറിളക്കവും ഛർദിയും ഉണ്ടായത്. വയറിളക്കവും ഛര്ദിയും അനുഭവപ്പെട്ടതിനെ തുടര്ന്ന് വിവിധ ആശുപത്രികളില് ചികിത്സ തേടുകയായിരുന്നു.
കീഴ്വായ്പൂർ സെന്റ് തോമസ് പള്ളിയിൽ വെച്ചാണ് മാമ്മോദീസ ചടങ്ങ് നടന്നത്. അവുടുന്ന് ഭക്ഷണം കഴിച്ചവർക്ക് ആരോഗ്യ പ്രശ്നങ്ങൾ ഉണ്ടായതിനെ തുടർന്ന് ജില്ലയിലെ വിവിധ ആശുപത്രിയിലാണ് ആളുകൾ ചികിത്സ തേടുകയായിരുന്നു . ചെങ്ങന്നൂർ ഓവൻ ഫ്രഷ് കാറ്ററിംഗ് സ്ഥാപനത്തിൽ നിന്നാണ് ഭക്ഷണം എത്തിച്ചത്. മീൻകറിയിൽ നിന്നാണ് ഭക്ഷ്യവിഷ ബാധ ഏറ്റതെന്നാണ് സംശയം. സംഭവത്തിൽ കാറ്ററിംഗ് സ്ഥാപനത്തിനെതിരെ വീട്ടുകാർ പൊലീസിൽ പരാതി നൽകിയിട്ടുണ്ട്.