ദില്ലി: കൊറോണ ബാധിതരായ രോഗികളെ ചികിത്സിക്കുന്നതിന് ഹൈഡ്രോക്‌സീ ക്‌ളോറോക്വിന്‍ വിതരണം ചെയ്യാന്‍ സമ്മതിച്ച ഇന്ത്യന്‍ പ്രധാനമന്ത്രി നരേന്ദ്ര മോദിക്ക് നന്ദി അറിയിച്ച് ബ്രസീലിയന്‍ രാഷ്ട്രപതി ജെയ്ര്‍ ബൊല്‍സൊനാരോ. ഹൈഡ്രോക്‌സീ ക്‌ളോറോക്വിന്‍ നല്‍കാന്‍ സന്മനസ്സു കാണിച്ച ഇന്ത്യയുടെ സഹായത്താല്‍ കൊറോണയ്ക്ക് പുറമെ മലേറിയയെയും ആര്‍ത്രൈറ്റിസിനെയും ചികിത്സിക്കാന്‍ തന്റെ രാജ്യത്തിന് കഴിയുമെന്നും അദ്ദേഹം പറഞ്ഞു.
ഹൈഡ്രോക്‌സീ ക്‌ളോറോക്വിന്‍ ആവശ്യപ്പെട്ട് ബ്രസീലിയന്‍ രാഷ്ട്രപതി കഴിഞ്ഞ ദിവസം പ്രധാനമന്ത്രി നരേന്ദ്ര മോദിക്ക് കത്തയച്ചിരുന്നു. ഹിമാലയത്തില്‍ നിന്നും ഔഷധം ലഭ്യമാക്കി ജീവരക്ഷ നടത്തിയ ഹനുമാന്‍ നമുക്ക് മാതൃകയാകണമെന്നും അദ്ദേഹം പറഞ്ഞിരുന്നു.
കൊറോണ ചികിത്സക്ക് ആവശ്യമായ മരുന്ന് നല്‍കാന്‍ സന്മനസ്സ് കാണിച്ച പ്രധാനമന്ത്രി നരേന്ദ്ര മോദിക്ക് നന്ദി പറയുന്നതായി അമേരിക്കന്‍ പ്രസിഡന്റ് ഡൊണാള്‍ഡ് ട്രമ്പും കഴിഞ്ഞ ദിവസം അറിയിച്ചിരുന്നു.
