തിരുവനന്തപുരം: സംസ്ഥാനത്ത് റേഷന് കാര്ഡ് ഇല്ലാത്തവര്ക്ക്, അപേക്ഷ നല്കി 24 മണിക്കൂറിനുള്ളില് റേഷന് കാര്ഡ് ലഭ്യമാക്കണമെന്ന് സര്ക്കാര് ഉത്തരവ്. കോവിഡ്-19 ന്റെ ഭാഗമായി വിതരണം ചെയ്ത കേന്ദ്ര-സംസ്ഥാന സര്ക്കാറുകളുടെ ഭക്ഷ്യധാന്യങ്ങള് ലഭ്യമാകാത്തത് ശ്രദ്ധയില്പ്പെട്ടതിന്റെ അടിസ്ഥാനത്തില് അര്ഹരായ കുടുംബങ്ങള്ക്ക് അപേക്ഷിച്ചാല് 24 മണിക്കൂറിനുള്ളില് റേഷന് കാര്ഡുകള് വിതരണം ചെയ്യാന് നടപടികള് സ്വീകരിക്കുമെന്ന് ഭക്ഷ്യവകുപ്പ് അറിയിച്ചു.
അപേക്ഷയ്ക്കൊപ്പം ഹാജരാക്കുന്ന രേഖകളുടെ ആധികാരികത പരിശോധിക്കാന്, നിലവിലെ സാഹചര്യത്തില് ബുദ്ധിമുട്ടുണ്ടെങ്കില് താല്ക്കാലിക റേഷന്കാര്ഡ് അനുവദിക്കണമെന്നും ഉത്തരവില് വ്യക്തമാക്കിയിട്ടുണ്ട്.
