ശബരിമല സ്ത്രീപ്രവേശനവുമായി ബന്ധപ്പെട്ട പുനഃപരിശോധനാ ഹര്ജികളില് വാദം വരുന്ന സമയത്ത് ആവശ്യമെങ്കില് പുതിയ സത്യവാങ്മൂലം നല്കാന് തയ്യാറാണെന്ന് സി.പി.എം പോളിറ്റ് ബ്യുറോ അംഗം എം.എ.ബേബി. .സുപ്രീംകോടതി ആവശ്യപ്പെട്ടാല് സര്ക്കാര് പുതിയ സത്യവാങ്മൂലം നല്കും. എല്ലാവരുമായും ചര്ച്ച ചെയ്ത ശേഷം മാത്രമായിരിക്കും സത്യവാങ്മൂലം നല്കുകയെന്നും എം.എ.ബേബി പറഞ്ഞു.
വിശ്വാസികളുടെ സമ്മര്ദ്ദം മൂലമല്ല സിപിഎം നിലപാട് മാറ്റുന്നതെന്നും ബേബി വ്യക്തമാക്കി. സമൂഹത്തിന്റെ വലിയ വിഭാഗം ജനങ്ങളെ ബാധിക്കുന്ന വിഷയങ്ങളില് വ്യത്യസ്ത വീക്ഷണങ്ങള് കണക്കിലെടുത്തേ സംസ്ഥാനത്തിന്റെ മുഴുവന് ചുമതല വഹിക്കുന്ന പാര്ട്ടിക്ക് കാര്യങ്ങള് മുന്നോട്ടുകൊണ്ടുപോകാനാകൂ. എല്ലായിടത്തും സമത്വവും തുല്യതയും എന്ന നിലപാട് ഘട്ടംഘട്ടമായിട്ടാകും സമൂഹത്തില് നടപ്പാക്കാന് കഴിയൂവെന്നും അദ്ദേഹം പറഞ്ഞു.
ശബരിമല യുഡിഎഫ് തിരഞ്ഞെടുപ്പ് വിഷയമാക്കിയതു കൊണ്ടാണ് സി.പി.എം ഇപ്പോള് നിലപാട് മാറ്റിയത്ഈനാണ് പറയപ്പെടുന്നത്.ശബരിമലവിധി മറികടക്കാന് നിയമനിര്മാണം നടത്തുമെന്ന വാഗ്ദാനം മുന്നോട്ടുവെച്ചാണ് യു.ഡി.എഫ്. ശബരിമല പ്രശ്നം വീണ്ടും പ്രചാരണായുധമാക്കുന്നത്.