ജമ്മു കശ്മീരിലെ കിഷ്ത്വാർ ജില്ലയിലെ മർവയിൽ പ്രായപൂർത്തിയാകാത്ത ഹിന്ദു പെൺകുട്ടിയെ ഒരു മുസ്ലീം ആൺകുട്ടി ബലാത്സംഗം ചെയ്ത കേസിൽ പ്രതിഷേധം കനക്കുന്നു. സനാതനധർമ്മ സഭയുൾപ്പെടെ നിരവധി ഹിന്ദു സംഘടനകളാണ് ഇപ്പോൾ രംഗത്തെത്തിയിരിക്കുന്നത്. പ്രതിയായ മുസ്ലിം യുവാവിനെ സംരക്ഷിക്കാൻ ശ്രമിച്ച പോലീസ് ഉദ്യോഗസ്ഥനെ സസ്‌പെന്റ് ചെയ്തു. എസ്എച്ച്ഒ സഹീർ ഇഖ്ബാലിനെയാണ് സസ്‌പെന്റ് ചെയ്തത്.
ആഗസ്റ്റ് 18 നാണ് പ്രതിഷേധത്തിനാസ്പദമായ സംഭവം നടന്നത്. അതേസമയം, രണ്ട് യുവാക്കളെ അറസ്റ്റ് ചെയ്തതായി കിഷ്ത്വാർ സീനിയർ പോലീസ് സൂപ്രണ്ട് അബ്ദുൾ ഖയൂം അറിയിച്ചു, പോക്സോ നിയമപ്രകാരം എഫ്ഐആർ ഫയൽ ചെയ്തിട്ടുണ്ട്. കൂടാതെ സംഭവത്തിൽ ജില്ലാ ഭരണകൂടം മജിസ്‌ട്രേറ്റ് അന്വേഷണത്തിന് ഉത്തരവിടുകയും എസ്എച്ച്ഒ സഹീർ ഇഖ്ബാലിനെ സ്ഥലം മാറ്റുകയും ചെയ്തതായി സബ് ഡിവിഷണൽ മജിസ്‌ട്രേറ്റ് ഡോ. മുഹമ്മദ് അഷ്റഫ് അറിയിച്ചു.
അതോടൊപ്പം പ്രതിഷേധം ശാന്തമാക്കാനായി സബ് ഡിവിഷണൽ മജിസ്‌ട്രേറ്റ് ഡോ. മുഹമ്മദ് അഷ്റഫ് തന്നെ നേരിട്ട് ബലാത്സംഗത്തിനിരയായ പെൺകുട്ടിയുടെ ഗ്രാമം സന്ദർശിച്ചിരുന്നു. എന്നാൽ ഇരയെ സംരക്ഷിക്കുന്നതിൽ എസ്എച്ച്ഒ പരാജയപ്പെട്ടതായും കുറ്റാരോപിതനെയും കുടുംബത്തെയും അദ്ദേഹം സംരക്ഷിച്ചതായും പ്രതിഷേധക്കാർ ആരോപിച്ചു. ഇത് ജനങ്ങൾക്ക് നിയമപാലക്കാരിലുള്ള വിശ്വാസം തകർന്നുവെന്ന ആരോപണമാണ് ഉയർത്തുന്നത്. ഇതിനിടയിൽ രോഷാകുലരായ ആളുകൾ പ്രതിയുടെ വീട്ടിൽ അതിക്രമിച്ചു കയറുകയും തീയിട്ട് നശിപ്പിക്കാൻ ശ്രമിക്കുകയും ചെയ്തു.
രൂക്ഷമായിക്കൊണ്ടിരിക്കുന്ന സാഹചര്യം പരിഹരിക്കുന്നതിനും ക്രമസമാധാനം പുനഃസ്ഥാപിക്കുന്നതിനുമായി വില്ലേജ് പോലീസ് പോസ്റ്റ് ശക്തിപ്പെടുത്തുമെന്ന് ഡോ. മുഹമ്മദ് അഷ്റഫ് അറിയിച്ചു. ഈ തസ്തികയിൽ ജീവനക്കാരുടെ എണ്ണം വർധിപ്പിക്കാൻ ഭരണകൂടം തീരുമാനിച്ചിട്ടുണ്ട്. ഇതിന്റെ ഫലമായി പ്രദേശത്ത് മികച്ച സുരക്ഷയും നിയമപാലകരുടെ സാന്നിധ്യവും ഉറപ്പാക്കാൻ 12 ഉദ്യോഗസ്ഥരെ നിയമിച്ചിട്ടുണ്ട്. കൂടാതെ അന്വേഷണം നടത്തി സമഗ്രമായ റിപ്പോർട്ട് ഹാജരാക്കാൻ ഒരു മാസത്തെ സമയം അനുവദിച്ചിരിക്കുകയാണ്.
