കാസർഗോഡ് : വേദാചാര്യൻ ആചാര്യശ്രീ രാജേഷ് നയിക്കുന്ന ദ്വിദിന ജ്ഞാനയജ്ഞത്തിന് കാസർഗോഡ് നഗരത്തിൽ തുടക്കമായി. കളക്ടറേറ്റിന് സമീപമുള്ള ചിന്മയ മിഷൻ സ്കൂൾ ഓഡിറ്റോറിയത്തിൽ നടന്ന ചടങ്ങിൽ നൂറുകണക്കിന് വിശ്വാസികളാണ് പങ്കെടുത്തത്. ‘ഐശ്വര്യവും സമൃദ്ധിയും വേദങ്ങളിലൂടെ’ എന്ന വിഷയത്തെ ആസ്പദമാക്കി നടക്കുന്ന പ്രഭാഷണ പരമ്പര ഭാരതീയ പൈതൃകത്തിന്റെയും വേദസംസ്കാരത്തിന്റെയും പ്രാധാന്യം വിളിച്ചോതുന്നതായിരുന്നു. ചടങ്ങിൽ പ്രമുഖ സാഹിത്യകാരൻ സുകുമാരൻ പെരിയച്ചൂർ സ്വാഗതം ആശംസിച്ചു.

ജ്ഞാനയജ്ഞത്തിന്റെ ഭാഗമായി ആചാര്യശ്രീയുടെ ശിഷ്യകളുടെ മുഖ്യകാർമ്മികത്വത്തിൽ നടന്ന ഭക്തിനിർഭരമായ അഗ്നിഹോത്രയജ്ഞം ചടങ്ങിന് മാറ്റുകൂട്ടി. പ്രകൃതിശക്തികളെ പ്രീണിപ്പിക്കുന്നതിനും ലോകശാന്തിക്കുമായി നടത്തിയ യജ്ഞത്തിൽ നിരവധി പേർ പങ്കാളികളായി.

ജ്ഞാനയജ്ഞത്തിന്റെ രണ്ടാം ഭാഗം നാളെ വൈകിട്ട് 5 മണി മുതൽ 7 മണി വരെ ഇതേ വേദിയിൽ തുടരുന്നതാണ്. ആത്മീയ ചൈതന്യവും വിജ്ഞാനവും പകരുന്ന ഈ സദസ്സിലേക്ക് കൂടുതൽ പേരെ സംഘാടകർ സ്വാഗതം ചെയ്തു. പരിപാടിയെക്കുറിച്ചുള്ള കൂടുതൽ വിവരങ്ങൾ അറിയാൻ താല്പര്യമുള്ളവർക്ക് +91 99477 81540, +91 9188 193181 എന്നീ നമ്പറുകളിൽ ബന്ധപ്പെടാവുന്നതാണ്. കാസർഗോഡ് നഗരത്തിലെ സാംസ്കാരിക-ആത്മീയ മേഖലകളിൽ വലിയ ചലനമാണ് ഈ ദ്വിദിന സംഗമം സൃഷ്ടിച്ചിരിക്കുന്നത്.


