കണ്ണൂർ: ഐസ്ക്രീം വാങ്ങിത്തരാമെന്ന് പറഞ്ഞു ആറുവയസ്സുകാരിയെ പീഡിപ്പിച്ച മറുനാടൻ തൊഴിലാളി അറസ്റ്റിൽ. ആന്ധ്രാപ്രദേശ് സ്വദേശി താത്തയ്യയെയാണ് പോലീസ് അറസ്റ്റ് ചെയ്തത്. വളപട്ടണം എസ്.ഐ. കെ.കെ. രേഷ്മയുടെ നേതൃത്വത്തിലുള്ള പോലീസ് സംഘമാണ് താത്തയ്യയെ അറസ്റ്റ് ചെയ്തത്. പൊയ്ത്തുംകടവ് പ്ലൈവുഡ് കമ്പനിയിലെ തൊഴിലാളിയാണ് താത്തയ്യ.
ഐസ്ക്രീം വാങ്ങിത്തരാമെന്ന് പറയുകയും തുടർന്ന് ആളൊഴിഞ്ഞ വീട്ടില്‍ എത്തിച്ച് കുട്ടിയെ താത്തയ്യ പീഡിപ്പിക്കുകയുമായിരുന്നു. കുട്ടി ബന്ധുക്കളെ വിവരമറിയിച്ചതിനെ തുടർന്ന് ബന്ധുക്കൾ പോലീസിൽ പരാതി നൽകി. പോക്‌സോ നിയമപ്രകാരമാണ് താത്തയ്യയ്‌ക്കെതിരെ കേസെടുത്തിരിക്കുന്നത്.
