അബുദാബി; വേനല്‍ അവധിക്കാലം ആസ്വദിക്കാന്‍ വഴിതുറന്ന് സമ്മര്‍ പാസ് പുറത്തിറക്കി അബുദാബി. എമിറേറ്റിലെ തീം പാര്‍ക്കുകളിലേക്കും മറ്റു 13 സാംസ്‌കാരിക കേന്ദ്രങ്ങളിലേക്കും 2 മാസം പ്രവേശനം നല്‍കുന്നതാണ് സമ്മര്‍ പാസ്. ഇവിടങ്ങളിലേക്ക് പാസുള്ളവര്‍ക്ക് ഓഗസ്റ്റ് 31 വരെ പ്രവേശനം അനുവദിക്കും. അബുദാബി സാംസ്‌കാരിക വിനോദ സഞ്ചാര വിഭാഗമാണ് പാസ് പുറത്തിറക്കിയത്.
മുതിര്‍ന്നവര്‍ക്ക് 559 ദിര്‍ഹവും 4-17 പ്രായക്കാര്‍ക്ക് 499 ദിര്‍ഹമാണ് ഫീസ്. 3 വയസ്സില്‍ താഴെയുള്ള കുട്ടികള്‍ക്ക് സൗജന്യം. ഫെറാറി വേള്‍ഡ്, യാസ് വാട്ടര്‍വേള്‍ഡ്, വാര്‍ണര്‍ ബ്രോസ് വേള്‍ഡ് തുടങ്ങിയ തീം പാര്‍ക്കുകളിലേക്കുള്ള പ്രവേശനത്തിന് ഈ പാസ് ഉപയോഗിക്കാം. ഈ കേന്ദ്രങ്ങളിലേക്കു സൗജന്യ ബസ് സൗകര്യവും വാഗ്ദാനം ചെയ്യുന്നു. summerpass.visitabudhabi.ae വെബ്‌സൈറ്റില്‍ നിന്ന് പാസുകള്‍ ഡൗണ്‍ലോഡ് ചെയ്യാം
