മലയാള സിനിമയിൽ എന്നത്തേയും ഹിറ്റ് കൂട്ടുകെട്ടുകളിൽ പ്രാധാന്യമുള്ളവരാണ് മോഹൻലാലും- മുകേഷും. രണ്ട് പേരും ഒന്നിച്ചെത്തിയപ്പോൾ ഉണ്ടായ ഓളവും മലയാളികൾക്ക് മറക്കാനാകില്ല. മാത്രമല്ല ഇവരുടെ ചിത്രങ്ങളെല്ലാം തന്നെ ഇന്നും മലയാളത്തിന്റെ ഹിറ്റ് സിനിമകളുമാണ്.
ഇപ്പോഴും ഈ കോംമ്പോയിൽ ഒരു ചിത്രം ഇറങ്ങിയാൽ അത് കാണാൻ ഏറെ താൽപര്യത്തോടെയാണ് പ്രേക്ഷകർ കാത്തിരിക്കുന്നത്. എന്നാൽ ഇപ്പോൾ ഇരുവരും ഒന്നിച്ചുള്ളൊരു ഫോട്ടോയാണ് സോഷ്യൽ മീഡിയയിൽ വ്യാപകമായി പ്രചരിക്കുന്നത്.
കറുപ്പ് ടീഷർട്ട് ധരിച്ച് വ്യത്യസ്തമായ ഹെയർ സ്റ്റൈലിലുള്ള താരങ്ങളെയാണ് ചിത്രത്തിൽ കാണാൻ സാധിക്കുന്നത്. പ്രിയ നടൻ മുകേഷാണ് ചിത്രം ഫേസ്ബുക്കിലൂടെ പങ്കുവച്ചിരിക്കുന്നത്. ഒപ്പം മോഹൻലാലിനെ താരം ടാഗും ചെയ്തിട്ടുണ്ട്. നിരവധി പേരാണ് ചിത്രം താഴെ കമന്റുകളുമായി രംഗത്തെത്തിയത്. മാത്രമല്ല പുതിയ ചിത്രത്തിലെ ലുക്കാണോ എന്നാണ് പലരും ചോദിക്കുന്നത്.