തെന്നിന്ത്യയുടെ സ്റ്റൈലിഷ് സ്റ്റാറാണ് അല്ലു അര്ജുന്. നിരവധി ആരാധകരാണ് താരത്തിനും, അദ്ദേഹത്തിന്റെ ചിത്രങ്ങൾക്കുമുള്ളത്. ഇപ്പോഴിതാ സ്വപ്ന തുല്യമായ നേട്ടം കൈവരിച്ചിരിക്കുകയാണ് അല്ലു അര്ജുന്. ഇന്സ്റ്റഗ്രാമില് 15 മില്ല്യണ് ഫോളോവേഴ്സ് ആയിരിക്കുകയാണ് അല്ലുവിനു.
ഇതോടെ ഇന്സ്റ്റഗ്രാമില് ഏറ്റവും കൂടുതല് ഫോളോവേഴ്സ് ഉള്ള സൗത്ത് ഇന്ത്യന് താരമായിരിക്കുകയാണ് അല്ലു ഇപ്പോൾ. അതേസമയം ഈ റെക്കോര്ഡ് നേട്ടം കൈവരിക്കുന്ന ആദ്യ സൗത്ത് സ്റ്റാറായിരിക്കുകയാണ് അല്ലു അര്ജുന്. സൗത്ത് ഇന്ത്യന് താരങ്ങളില് വിജയ് ദേവരകൊണ്ട മാത്രമാണ് ഇന്സ്റ്റഗ്രാമില് അല്ലുവിന് തൊട്ടടുത്തുള്ളത്.
എന്നാൽ 14.2 മില്യണ് ഫോളോവേഴ്സാണ് വിജയ് ദേവരകൊണ്ടയ്ക്കുള്ളത്. രാം ചരണിന് 5 മില്ല്യണ്, ജൂനിയര് എന്.ടി.ആറിന് 3.5 മില്ല്യണ് , പ്രഭാസിന് 7.7 മില്ല്യണ്, മഹേഷ് ബാബു 7.6 മില്ല്യണ് എന്നിങ്ങനെയാണ് ഇന്സ്റ്റഗ്രാം ഫോളോവേഴ്സിന്റെ എണ്ണം.
അതേസമയം പുഷ്പയിലുടെ റെക്കോര്ഡ് വിജയമാണ് അല്ലു അര്ജുന് സ്വന്തമാക്കിയത്. ബോക്സോഫീസിൽ അല്ലു മാജിക് തുടരുകയാണ്. 80 കോടി രൂപയ്ക്കടുത്താണ് ഹിന്ദി പുഷ്പയ്ക്ക് ലഭിച്ചിരിക്കുന്നത്. ചിത്രം ആമസോണില് റിലീസ് ചെയ്തതോടെ ഇന്ത്യയ്ക്ക് പുറത്തുള്ള ആരാധകരും ചിത്രത്തിന് അഭിനന്ദനങ്ങളുമായി രംഗത്ത് എത്തിയിട്ടുണ്ട്.