തമിഴ് സിനിമയിൽ അന്യ ഭാഷാ താരങ്ങൾ വേണ്ടെന്ന ഫെഫ്സി (ഫിലിം എംപ്ലോയീസ് ഫെഡറേഷൻ ഓഫ് സൗത്ത് ഇന്ത്യ) യുടെ തീരുമാനത്തിൽ രൂക്ഷമായി പ്രതികരിച്ച് നടൻ റിയാസ് ഖാൻ രംഗത്ത്. ഞങ്ങൾ ഇന്ത്യൻ സിനിമാ താരങ്ങളാണെന്നും നിരോധനം വന്നാൽ താൻ എല്ലാ സിനിമയിലും കയറി അഭിനയിക്കുമെന്നും റിയാസ് ഖാൻ തുറന്നടിച്ചു. ഷീല എന്ന സിനിമയുടെ പ്രൊമോഷന്റെ ഭാഗമായി മദ്ധ്യമങ്ങളുമായി നടത്തിയ ചർച്ചയിലാണ് നടൻ രൂക്ഷമായി പ്രതികരിച്ചത്. തമിഴ് സിനിമകളിൽ അന്യഭാഷാ താരങ്ങൾ വേണ്ടെന്നും ചിത്രീകരണം തമിഴ്നാട്ടിൽ മാത്രം നടത്തണമെന്നും, അതേസമയം ഇവ ലംഘിച്ചാൽ അച്ചടക്ക നടപടി സ്വീകരിക്കുമെന്നുമുള്ള നിലപാടാണ് ഫെഫ്സി മുന്നോട്ട് വച്ചത്.
‘ഞാൻ മലയാളി ആണെന്നും പഠിച്ചതും വളർന്നതും തമിഴ്നാട്ടിൽ ആണെന്നും കല്യാണം കഴിച്ച പെണ്ണ് തമിഴ് ആണെന്നും ഞാൻ മുസ്ലീം ആണ് വൈഫ് ഹിന്ദു ആണ്. ഇപ്പോൾ ഞങ്ങൾ എന്ത് ചെയ്യണമെന്നും ഞാൻ ഭാര്യയെ വിട്ട് ഇവിടെ വന്ന് നിൽക്കണോ? വൈഫ് തമിഴ്നാട്ടിൽ നിന്നാൽ മതിയോ? അതൊന്നും നടക്കുന്ന കാര്യം അല്ലെന്നും റിയാസ് ഖാൻ തുറന്നടിച്ചു.