കൊച്ചി: നടിയെ ആക്രമിച്ച കേസില് മാപ്പു സാക്ഷിയുടെ ഹര്ജി ഇന്ന് ഹൈക്കോടതിയില്. വിചാരണക്കോടതിയുടെ അറസ്റ്റ് വാറന്റിനെതിരെ മാപ്പു സാക്ഷി വിപിന്ലാല് സമര്പ്പിച്ച ഹര്ജിയാണ് ഹൈക്കോടതി ഇന്ന് പരിഗണിക്കുന്നത്. ഇക്കഴിഞ്ഞ 21 നാണ് വിചാരണക്കോടതി വിപിന്ലാലിനെതിരെ അറസ്റ്റ് വാറന്റ് പുറപ്പെടുവിച്ചത്.
വിയ്യൂര് ജയിലില് കഴിയവേ ജാമ്യം ലഭിക്കാതെ ജയില് മോചിതനായതിനെ തുടര്ന്ന് ഇയാളെ ഹാജരാക്കുവാന് അന്വേഷണ സംഘത്തോട് നേരത്തെ കോടതി നിര്ദ്ദേശിച്ചിരുന്നു. തുടര്ന്ന് വിപിന് ലാലിനെ കണ്ടെത്താനായില്ലെന്ന് പ്രോസിക്യൂഷന് അറിയിക്കുകയും വിചാരണക്കോടതി വാറന്റ് പുറപ്പെടുവിക്കുകയുമായിരുന്നു. ഹര്ജി ഹൈക്കോടതി സിംഗിള് ബെഞ്ചാണ് ഇന്ന് പരിഗണിക്കുക.