ലെന കേന്ദ്ര കഥാപാത്രത്തെ അവതരിപ്പിക്കുന്ന സൈക്കോ ത്രില്ലര് ചിത്രം ’നോബോഡി’ ഡോ. മനോജ് ഗോവിന്ദന് സംവിധാനം ചെയ്യുന്നു. ഫോറന്സിക് സര്ജനായ ഡോ. നിരഞ്ജനയുടെ മുന്നില് എത്തുന്ന മൃതദേഹങ്ങളുടെ ഞെട്ടിക്കുന്ന ജീവിതകഥ ആണ് ചിത്രം പറയുന്നത്. ലെനയുടെ ഏറ്റവും ശക്തമായ കഥാപാത്രമായിരിക്കും ഡോ. നിരഞ്ജന.
പ്രമുഖ ബോളിവുഡ് നടി അംബിക ഷൈലിന്റെ ഐറ്റം ഡാന്സ് പ്രധാന ആകര്ഷകമാണ്. രാഹുല് മാധവ്, ഇര്ഷാദ്, സുരേഷ് കൃഷ്ണ, കൈലാഷ്, അമീര് നിയാസ്, സന്തോഷ് കീഴാറ്റൂര്, കന്നട നടി നഹാന, കന്നട നടന് പ്രശാന്ത്, വിയാന് മംഗലശേരി എന്നിവരും ചിത്രത്തില് അണിനിരക്കുന്നുണ്ട്. രചന അസ്ഹറുദ്ദീന്, തിയോഫിന് പയസ്. വൈറ്റ് സ്ക്രീന് മീഡിയ പ്രൊഡക്ഷന്സിന്റെ ബാനറില് സംവിധായകന് ഡോ. മനോജ് ഗോവിന്ദാണ് നിര്മ്മാണം. ഛായാഗ്രഹണം ജിബിന് സെബാസ്റ്റ്യന്.