തെന്നിന്ത്യയിൽ ഏറ്റവും അധികം ആരാധകരുള്ള നടന്മാരിൽ ഒരാളാണ് അജിത്ത് കുമാര്‍. കേരളത്തിലും നിരവധി ആരാധകരാണ് താരത്തിന്. ഇപ്പോഴിതാ കേരളത്തിലെത്തിയ അജിത്തിന്റെ ഏതാനും ചിത്രങ്ങളാണ് സമൂഹമാധ്യമങ്ങളുളിൽ ചർച്ചയാകുന്നത്.
പാലക്കാട് പെരുവമ്പ ക്ഷേത്രത്തിൽ ദർശനം നടത്തുന്നതിനിടെ പകർത്തിയ ചിത്രങ്ങളാണിത്. മാത്രമല്ല കേരള സ്റ്റൈലിൽ മുണ്ടും മേൽമുണ്ടും അണിഞ്ഞാണ് അജിത് ക്ഷേത്രത്തിലെത്തിയത്. ആയുർവേദ ചികിത്സയ്ക്ക് ആയി പാലക്കാട് ഗുരുകൃപയിൽ എത്തിയതായിരുന്നു താരം.
തമിഴ് സംവിധായകൻ വിഘ്നേഷ് ശിവൻ സംവിധാനം ചെയ്യുന്ന പുതിയ ചിത്രത്തിലാണ് അജിത് അഭിനയിക്കുന്നത്. എകെ 62 എന്ന് പേരിട്ടിരിക്കുന്ന ചിത്രത്തിന്റെ ആദ്യ ഷെഡ്യൂളിന്റെ ചിത്രീകരണം ആരംഭിക്കാൻ ഇരിക്കെയാണ് അജിത് കേരളത്തിലെത്തി ക്ഷേത്രസന്ദർശനം നടത്തിയിരിക്കുന്നത്. മാത്രമല്ല ഇത് അജിത്തിന്റെ 62-ാമത്തെ ചിത്രമാണിത്.
അജിത് കുമാർ വിഘ്നേഷ് ശിവനുമൊത്ത് ആദ്യമായി കൈകോർക്കുന്ന ചിത്രം കൂടിയാണിത്. ലൈക്ക പ്രൊഡക്ഷൻസാണ് ചിത്രം നിർമ്മിക്കുന്നത്. അനിരുദ്ധ് രവിചന്ദർ ചിത്രത്തിന്റെ സ്‌കോർ ഒരുക്കും. 2023ൽ ആണ് ചിത്രം തിയേറ്ററുകളിലേക്ക് എത്തുക. ‘വലിമൈ’ ആണ് ഒടുവിൽ തിയേറ്ററിലെത്തിയ അജിത് ചിത്രം.
