അമരാവതി: ആന്ധ്രാപ്രദേശിന് ഇനി ഒരു തലസ്ഥാനം മാത്രം. മൂന്ന് തലസ്ഥാനങ്ങള് നിശ്ചയിച്ചുള്ള ബില് റദ്ദാക്കി. ഇനി അമരാവതിയാകും ആന്ധ്രയുടെ തലസ്ഥാനം.മൂന്ന് തലസ്ഥാനങ്ങള് നിശ്ചയിച്ച് കൊണ്ടുള്ള ബില് ജഗന്മോഹന് റെഡ്ഡി സര്ക്കാര് പിന്വലിച്ചു. മന്ത്രി സഭായോഗത്തിലായിരുന്നു ഇത് സംബന്ധിച്ച തീരുമാനം ഉണ്ടായത്. വിശാഖപട്ടണം കേന്ദ്രീകരിച്ചുള്ള ജഗ്ഗന്മോഹന് റെഡ്ഢി സര്ക്കാറിന്രെ വികസന നീക്കങ്ങള്ക്ക് എതിരെ പ്രതിപക്ഷം വ്യാപക പ്രതിഷേധമാണ് നടത്തിയിരുന്നത്. സ്ഥലം ഏറ്റെടുക്കലിന് എതിരെ കര്ഷകരും പ്രതിഷേധം ശക്തമാക്കിയിരുന്നു. ഇതിനിടയിലാണ് മൂന്ന് തലസ്ഥാനമെന്ന ബില്ല് റദ്ദാക്കിയത്. അഡ്വക്കേറ്റ് ജനറല് എസ് ശ്രീറാമാണ് ഇക്കാര്യം ആന്ധ്ര പ്രദേശ് ഹൈക്കോടതിയെ അറിയിച്ചത്.
ആന്ധ്രപ്രദേശ് വിഭജനത്തിന് ശേഷം വൈഎസ്ആര് കോണ്ഗ്രസ് ആയിരുന്നു ആന്ധ്രയ്ക്ക് മൂന്ന് തലസ്ഥാനങ്ങള് നിര്ദേശിച്ചത്. ലെജിസ്ലേറ്റീവ് (നിയമനിര്മാണ സഭ) തലസ്ഥാനമായി അമരാവതിയെ നിശ്ചയിച്ചപ്പോള് വിശാഖ പട്ടണത്തെ എക്സിക്യീട്ടിവ് (ഭരണനിര്വഹണം) തലസ്ഥാനമായും കുര്ണൂലിനെ ജൂഡീഷ്യല് (നീതിന്യായ) തലസ്ഥാനമായിട്ടുമായിരുന്നു നിശ്ചയിച്ചത്. ഇത് സംബന്ധിച്ച ബില്ലിന് 2020 ജനുവരിയില് മന്ത്രി സഭ അംഗീകാരം നല്കുകയും ചെയ്തു.