ഭുവനേശ്വര്: രാജ്യത്തെ നടുക്കിയ ബാലസോര് ട്രെയിന് ദുരന്തത്തിന് പിന്നാലെ ഒഡീഷയില് വീണ്ടും ട്രെയിന് അപകടം.ബാർഗഡിൽ ചരക്ക് ട്രെയിൻ പാളം തെറ്റി.മെന്ദപള്ളിയിലാണ് അഞ്ചു ബോഗികൾ അപകടത്തില്പ്പെട്ടത്. ചുണ്ണാമ്പുകല്ലുമായി പോയ ട്രെയിനാണ് അപകടത്തില്പ്പെട്ടതെന്നാണ് റിപ്പോര്ട്ട്. ആളപായമൊന്നും റിപ്പോർട്ട് ചെയ്തിട്ടില്ല. പൊലീസ് സംഭവസ്ഥലത്തെത്തി അന്വേഷണം ആരംഭിച്ചിട്ടുണ്ട്.
അതേസമയം ട്രെയിന് ദുരന്തം ഉണ്ടായ ഒഡീഷയിലെ ബാലസോറില് അപകടത്തില് തകര്ന്ന ട്രാക്കിലൂടെയുള്ള ഗതാഗതം പുനഃസ്ഥാപിച്ചു. ഇന്നലെ രാത്രി കല്ക്കരിയുമായി ഗുഡ്സ് ട്രെയിന് കടത്തിവിട്ടാണ് ഗതാഗതം പുനഃസ്ഥാപിച്ചത്. കേന്ദ്ര റെയില്വേ മന്ത്രി അശ്വിനി വൈഷ്ണവിന്റെയും ഉന്നത റെയില്വേ ഉദ്യോഗസ്ഥരുടെയും സാന്നിധ്യത്തിലാണ് ട്രെയിന് കടന്നുപോയത്
