ദില്ലി: പതിനേഴാം ലോക്‌സഭാ തിരഞ്ഞെടുപ്പില്‍ എന്‍ഡിഎ നേടിയ വന്‍ വിജയത്തെ അഭിനന്ദിച്ച് നടന്‍ അക്ഷയ് കുമാറിന്റെ ട്വീറ്റ്.’ചരിത്ര വിജയം നേടിയ മോദിജീയ്ക്ക് എന്റെ ഹൃദയം നിറഞ്ഞ അഭിനന്ദങ്ങള്‍’ എന്നായിരുന്നു അക്ഷയ് കുമാറിന്റെ ട്വീറ്റ്.
രണ്ടാം തവണ അധികാരത്തിലേറുന്ന മോദിക്ക് എല്ലാവിധ വിജയവും ആശംസിക്കുന്നുവെന്നും അക്ഷയ് കുമാര്‍ കുറിച്ചു. രാജ്യത്തിന്റെ പുരോഗതിയ്ക്കായുള്ള മോദിയുടെ അധ്വാനത്തെ അംഗീകരിക്കുന്നുവെന്നും അദ്ദേഹം പറഞ്ഞു.
മോദിയെ അഭിനന്ദിച്ചുകൊണ്ട് ലോകനേതാക്കളടക്കം നിരവധി പേരാണ് രംഗത്തെത്തിയത്. നരേന്ദ്രമോദിയ്ക്ക് അഭിനന്ദനം അര്‍പ്പിച്ച് കൊണ്ട് ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹു, ജപ്പാന്‍ പ്രധാനമന്ത്രി ഷിന്‍സോ ആബെ, റഷ്യന്‍ പ്രസിഡന്റ് വ്‌ലാഡിമിര്‍ പുചിന്‍, ചൈനീസ് പ്രസിഡന്റ് ഷി ചിന്‍പിംഗ്, നേപ്പാള്‍ പ്രധാനമന്ത്രി കെ പി ശര്‍മ്മ ഒലി, അഫ്ഗാന്‍ പ്രസിഡന്റ് അഷ്‌റഫ് ഗാനി, ഭൂട്ടാന്‍ രാജാവ് വാംഗ്ചക്ക് എന്നിവരും രംഗത്തെത്തിയിരുന്നു.രജനികാന്ത്, ശരത് കുമാര്‍, പരേഷ് റാവല്‍, റിതേഷ് ദേശ്മുഖ്, അനുപം ഖേര്‍ എന്നിവരും ആശംസകള്‍ അറിയിച്ച് രംഗത്തെത്തിയിരുന്നു.
