റഷ്യൻ പ്രസിഡന്റ് വ്‌ളാഡിമർ പുടിൻ വധശ്രമത്തിൽ നിന്ന് രക്ഷപ്പെട്ടു . യൂറോ സംഭവം നടക്കുമ്പോൾ പുടിൻ ഒരു ഡികോയ് മോട്ടോർകേഡിലായിരുന്നു യാത്ര ചെയ്തതെന്ന് ക്രെംലിൻ ഇൻസൈഡർ ജനറൽ ജിവിആർ പറഞ്ഞു. വധശ്രമം എപ്പോൾ നടന്നുവെന്നത് സംബന്ധിച്ച വിശദാംശങ്ങൾ വെളിപ്പെടുത്തിയിട്ടില്ല.
റഷ്യ ഉക്രെയ്നിൽ സൈനിക നടപടി ആരംഭിച്ചതു മുതൽ പുടിന്റെ ആരോഗ്യത്തെക്കുറിച്ചും കൊലപാതക ശ്രമങ്ങളെക്കുറിച്ചും റിപ്പോർട്ടുകൾ വരുന്നത് ശ്രദ്ധേയമാണ്. പുടിന്റെ കാറിന്റെ ഇടതുവശത്തെ മുൻ ചക്രത്തിൽ ഒരു “ഉച്ചത്തിലുള്ള സ്ഫോടനം” ഉണ്ടായി. തുടർന്ന് കനത്ത പുക കാണപ്പെട്ടു. പുടിൻ്റെ കാർ ഉദ്യോഗസ്ഥർ സുരക്ഷിത സ്ഥാനത്തേക്ക് ഓടിച്ചതിനാൽ പരിക്കില്ല. എന്നാൽ, വധശ്രമവുമായി ബന്ധപ്പെട്ട് നിരവധി പേരെ സുരക്ഷാ ഉദ്യോഗസ്ഥർ അറസ്റ്റ് ചെയ്തിട്ടുണ്ട്.
മോട്ടോർകേഡിൽ പുടിൻ തന്റെ വസതിയിലേക്ക് യാത്ര ചെയ്യുകയായിരുന്നു. തന്റെ അഞ്ച് വാഹനങ്ങളിൽ മൂന്നാമത്തേതിലാണ് പുടിൻ യാത്ര ചെയ്തതെന്നാണ് റിപ്പോർട്ട്. ആദ്യ എസ്കോർട്ട് കാർ ആംബുലൻസ് തടഞ്ഞുവെന്നും രണ്ടാമത്തെ കാർ തടസ്സമില്ലാതെ സഞ്ചരിക്കുകയായിരുന്നുവെന്നും റിപ്പോർട്ടിൽ പറയുന്നു . ഓഗസ്റ്റിൽ റഷ്യൻ രാഷ്ട്രീയ തത്ത്വചിന്തകൻ അലക്സാണ്ടർ ഡുഗിന്റെ മകൾ ഡാരിയ ഡുഗിന മോസ്കോയ്ക്ക് സമീപം കാർ സ്ഫോടനത്തിൽ മരിച്ചു. ദുഗിനയുടെ കൊലപാതകത്തിന് ഉത്തരവാദി ഉക്രൈനാണെന്ന് റഷ്യ ആരോപിച്ചിരുന്നു. എന്നിരുന്നാലും, അവരുടെ മരണത്തിൽ പങ്കില്ലെന്ന് ഉക്രെയ്ൻ വ്യക്തമായി .
രണ്ട് മാസം മുമ്പ് നടന്ന ഒരു വധശ്രമത്തിൽ നിന്ന് റഷ്യൻ പ്രസിഡണ്ട് പുടിൻ രക്ഷപ്പെട്ടതായി മെയ് മാസത്തിൽ ഉക്രേനിയൻ പ്രതിരോധ ഉദ്യോഗസ്ഥൻ അവകാശപ്പെട്ടിരുന്നു. രണ്ട് മാസം മുമ്പ് പുടിനെ കൊല്ലാനുള്ള പരാജയപ്പെട്ട ശ്രമം നടന്നതായി ഉക്രെയ്‌നിലെ ചീഫ് ഇന്റലിജൻസ് ഡയറക്ടറേറ്റിന്റെ തലവൻ കൈറിലോ ബുഡനോവ് ഉക്രെയ്ൻസ്ക പ്രാവ്ദയ്ക്ക് നൽകിയ അഭിമുഖത്തിൽ അവകാശപ്പെട്ടു.
