തിരുവല്ലം: ധീരനായ മുൻ പ്രധാനമന്ത്രി അടൽ ബിഹാരി വാജ്പേയിയെ അനുസ്മരിച്ച് അടൽ ഫൗണ്ടേഷൻ കേരള ഘടകം. അടൽ ജിയുടെ 96ാം ജന്മവാര്ഷികമായ ഇന്ന് ഫൗണ്ടേഷൻറെ നേതൃത്വത്തില് തിരുവല്ലം അടൽജി സ്മൃതി കുടീരത്തിൽ നടന്ന അനുസ്മരണ ചടങ്ങിന്റെ ഉദ്ഘാടനം ഫൗണ്ടേഷൻ മുഖ്യ രക്ഷാധികാരിയും, ബിജെപി സംസ്ഥാന ട്രഷററും ആയ അഡ്വ പത്മകുമാർ നിര്വ്വഹിച്ചു. ചടങ്ങില് അടൽ ഫൗണ്ടേഷൻ പ്രസിഡന്റും കർഷകമോർച്ച സംസ്ഥാന വൈസ് പ്രസിഡന്റുമായ വെങ്ങാനൂർ ഗോപകുമാർ, കൗൺസിലർ നെടുമം മോഹനൻ, വനിതാ കോഓർഡിനേറ്റർ ബിന്ദു ഹരി, പാപ്പനംകോട് അജികുമാർ, തുടങ്ങി നിരവധി പ്രമുഖര് പങ്കെടുത്തു.
രാജ്യം കണ്ട കരുത്തനായ പ്രധാനമന്ത്രിമാരില് ഒരാളായിരുന്നു അടല് ബിഹാരി വാജ്പേയി. 1998 മുതല് 2004 വരെയാണ് വാജ്പേയി ഇന്ത്യയുടെ പ്രധാനമന്ത്രിയായിരുന്നത്. ഇന്ത്യയിലെ ആദ്യ കോണ്ഗ്രസ് ഇതര പ്രധാനമന്ത്രി കൂടിയായിരുന്നു അദ്ദേഹം. പൊക്രാന് ആണവ പരീക്ഷണം, കാര്ഗില് യുദ്ധം, പാര്ലമെന്റ് ആക്രമണം എന്നിങ്ങനെ നിര്ണായകമായ പല സംഭവങ്ങള്ക്കും വാജ്പേയി സര്ക്കാര് സാക്ഷ്യം വഹിച്ചിരുന്നു