തൊണ്ണുറുകളിലെ സിനിമ ആസ്വാദകരുടെ മനസിലെ ആക്ഷൻ ഹീറോ ആരാണെന്നു ചോദിച്ചാൽ ഓട് ഉത്തരമേ പറയാൻ കഴിയൂ, ബാബു ആന്റണി എന്നായിരിക്കും. ബാബു ആന്റണി അവിസ്മരണീയമാക്കിത്തീര്ത്ത ഒട്ടനവധി കഥാപാത്രങ്ങളിലൂടെ പേക്ഷ മനസ്സില് പതിഞ്ഞ കഥാപാത്രങ്ങളും ലുക്കും ഒക്കെയാണ് ബാബു ആന്റണിയെ ഇന്നും പ്രേക്ഷക സ്വീകാര്യനാക്കുന്നത്. ഒരു കാലഘട്ടത്തെതന്നെ അവിസ്മരണീയമാക്കിത്തീര്ത്ത നടന് പിന്നീട് സിനിമയില് നിന്നും മാറി നില്ക്കുകയായിരുന്നു.
ഇപ്പോള് ഒമര് ലുലു ചിത്രം പവര് സ്റ്റാറിലൂടെ വീണ്ടും മലയാളി പ്രേക്ഷകരെ ഞെട്ടിക്കാനുള്ള തയ്യാറെടുപ്പിലാണ് ബാബു ആന്റണി. ബാബു ആന്റണി അതേ ആക്ഷന് ഹീറോയായാണ് ചിത്രത്തില് എത്താൻ പോകുന്നത്. 2020-ല് ആണ് പവര് സ്റ്റാര് സിനിമയുടെ പ്രഖ്യാപനം വരുന്നത്. എന്നാല് കോവിഡ് വ്യാപനത്തോടെ സിനിമയുടെ ഷൂട്ടിംഗ് നീണ്ട് പോകുകയായിരുന്നു. ചിത്രത്തില് ഹോളിവുഡ് താരം ലൂയിസ് മാന്ഡിലറും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.
ഇപ്പോള് സോഷ്യല് മീഡിയയില് ബാബു ആന്റണി പങ്കുവെച്ച ഒരു ചിത്രമാണ് പ്രേക്ഷകര് ആഘോഷമാക്കുന്നത്. പവര് സ്റ്റാറിലെ ലൊക്കേഷന് ചിത്രമാണ് താരം പങ്കുവെച്ചിരിക്കുന്നത്. ‘നിങ്ങള് ആഗ്രഹിച്ചതുപോലെ തൊണ്ണൂറുകളിലെ ലുക്കില് 2022-ല് എത്തുന്നു. പവര് സ്റ്റാറില് നിന്നുള്ള ചിത്രം’ എന്ന അടിക്കുറിപ്പോടെയാണ് താരം പോസ്റ്റ് പങ്കുവെച്ചിരിക്കുന്നത്. ചിത്രം പങ്കുവെച്ച് നിമിഷങ്ങള്ക്കകം ഇത് സോഷ്യല് മീഡിയ ഏറ്റെടുത്തിരിക്കുകയാണ്. പോസ്റ്റിന് ചുവടേ പഴയ ഓര്മ്മ പുതുക്കുകയാണ് ആരാധകര്. കണ്ട് ശീലിച്ചതും പേടിച്ചതുമായ വില്ലനെ കാണാന് കഴിഞ്ഞതിലുള്ള സന്തോഷമാണ് പലര്ക്കും.