നാഗ്പുർ:-വിജയദശമി ദിനത്തോട് അനുബന്ധിച്ചു മഹാരാഷ്ട്രയിലെ നാഗ്പൂർ സിറ്റിയിൽ നടന്ന ചടങ്ങിൽ രാഷ്ട്രീയ സ്വയം സേവക് സർ സംഘ് ചാലക് രാജ്യത്തെ നേട്ടങ്ങളെ കുറിച്ച് പരാമർശിച്ചു . ഇന്ത്യ ഇന്ന് വളർച്ചയുടെ സുവർണ്ണ ഘട്ടത്തിലാണ്. ഓരോ ദിവസവും കഴിയുംതോറും വികസനങ്ങൾ വരുത്തി കോണ്ടിരിക്കുകയാണ് . രാജ്യം ഇന്ന് സമസ്ത മേഖലയിലും വളരുകയാണ്. സാമ്പത്തിക രംഗത്തും , കായിക രംഗത്തും, നയതന്ത്ര രംഗത്തും അത് പ്രകടമാണ്. നമ്മുടെ മൂല്ല്യങ്ങൾ നിലനിർത്തികൊണ്ട് നീയും മുന്നോട്ട് പോകണം. ഇനി ചിന്തിക്കേണ്ടത് ലോകത്തിനു ഭാരതത്തിന്റെ ഭാഗത്തുള്ള എന്ത് സംഭാവന നല്കാൻ സാധിക്കും എന്നാണ്. ഛത്രപതി ശിവജി മഹാരാജ് അടക്കമുള്ള നമ്മുടെ പൂർവികർ പകർന്നുനൽകിയ മൂല്യങ്ങൾ നമുക്ക് മുന്നിലുണ്ട്. അത് മുറുകെ പിടിച്ച് മൂന്നോട്ട് സഞ്ചരിക്കണം. എല്ലാ കാര്യത്തിലും നമ്മുടേതായ ആവശ്യങ്ങൾ നിലനിർത്തി മുന്നോട്ട് പോകണം.
ജി20 ഉച്ചകോടി വളരെ ഭംഗിയായി ഭാരതത്തിൽ അരങ്ങേറി. ഈ ഉച്ചകോടി എല്ലാ വർഷവും നടക്കുന്നതാണെങ്കിലും ഈ വർഷം വലിയ മാറ്റങ്ങൾ ദർശിക്കാനായി. നമ്മുടെ ആതിഥ്യമര്യാദ ലോകം മനസിലാക്കി. നമ്മുടെ സംസ്‌കാരത്തെ അവർ വീക്ഷിച്ചു. ചരിത്രത്തിൽ ആദ്യമായി മനുഷ്യ കേന്ദ്രീകൃതമായും ചർച്ചകൾ നടത്തി. മാനവകുലം ഒരു കുടുംബമാണെന്ന സന്ദേശം നൽകാൻ സാധിച്ചത് ജി20 ഭാരതത്തിൽ നടന്നപ്പോൾ മാത്രമാണെന്നും അദ്ദേഹം പറഞ്ഞു. കായിക രംഗത്തും ശ്രദ്ധേയമായ വളർച്ച നമ്മൾ കൈവരിച്ചു. ഏഷ്യൻ ഗെയിംസിൽ 100 ൽ അധികം മെഡലുകൾ നമ്മുടെ കായിക താരങ്ങൾ രാജ്യത്തിനായി സ്വന്തമാക്കി. ലോകത്തിലെ അഞ്ചാമത്തെ സാമ്പത്തിക ശക്തിയായി നാം വളർന്നു. ഡിജിറ്റൽ വിനിമയത്തിലും നമ്മൾ വളരെ മുന്നിലാണ്. എല്ലാ മേഖലയിലനാം വളരുകയാണ്. ഭാരതത്തിന്റെ ഈ അമൃതകാലം കാണുന്നതിനുള്ള ഭാഗ്യം നമുക്ക് ലഭിച്ചിരിക്കുന്നു. രാഷ്‌ട്രത്തിന്റെ സങ്കൽപ്പങ്ങളിലും മാറ്റം വന്നിരിക്കുന്നു. ഭഗവാൻ ശ്രീരാമന്റെ വിഗ്രഹം രാമക്ഷേത്രത്തിൽ പ്രതിഷ്ഠിക്കാൻ പോവുകയാണ്. രാമൻ കരുണയുടേയും മര്യാദയുടേയും പ്രതീപ്രതിഷ്ഠിക്കാൻ പോവുകയാണ്.. അത്തരമൊരു സന്ദേശമാണ് അയോദ്ധ്യയിൽ നിന്നും ഉയരുന്നത്.
ഏതെങ്കിലും ഒരു ആശയത്തെ മുന്നിൽവെച്ച് മറ്റൊരു ലക്ഷ്യത്തിനായി പ്രവർത്തിക്കുന്നവരിൽ നിന്നും നാം അകന്നു നിൽക്കേണ്ടതുണ്ട്. അവരുടെ ലക്ഷ്യങ്ങൾ രാജ്യത്തിന് വിനാശം വരുത്തിവെക്കാനുള്ളതാണ്. അത്തരം ആശയധാരയോട് സന്ധിചെയ്യുന്നതിൽ നിന്നും വിട്ടുനിൽക്കണം. അത് രാഷ്‌ട്രീയത്തിൽ ആണെങ്കിൽപോലും. മണിപ്പൂരിൽ സംഭവിച്ചതിന് പിന്നിൽ നമ്മുടെ പരസ്പര വിശ്വാസക്കുറവാണ്. അവിടെ നൽകേണ്ടത് ഏകതയുടെ സന്ദേശമാണ്. എല്ലാവരും അതിനായി പ്രയത്‌നിക്കണമെന്നും അദ്ദേഹം ആഹ്വാനം ആഹ്വാനം ചെയ്തു
