ദില്ലി: ഇന്ദിരാ ഗാന്ധിയെപ്പോലെ താനും സുരക്ഷാ ജീവനക്കാരാല് കൊല്ലപ്പെട്ടേക്കുമെന്ന അരവിന്ദ് കേജരിവാളിന്റെ വിവാദ പ്രസ്താവനക്ക് മറുപടിയുമായി ബിജെപി രംഗത്ത്. പ്രസ്താവനയില് മാപ്പ് പറയാത്തപക്ഷം പോലീസ് സുരക്ഷ പിന്വലിക്കണമെന്നാവശ്യപ്പെട്ട് ഡല്ഹി പോലീസ് കമ്മീഷണര്ക്ക് ബിജെപി കത്ത് നല്കി.
മുഖ്യമന്ത്രിയുടെ സുരക്ഷാ ഉദ്യോഗസ്ഥര്ക്ക് ഇത്തരം പ്രസ്താവനകൾ കടുത്ത മാനസിക സമ്മര്ദ്ദങ്ങൾ ഉണ്ടാക്കുമെന്നും അവർക്ക് കൗണ്സലിംഗ് നല്കണമെന്നും ബിജെപി വക്താവ് പ്രവീണ് ശങ്കര് കപൂര് ആവശ്യപ്പെട്ടു.
അതേസമയം സുരക്ഷാ ജീവനക്കാരാല് കൊല്ലപ്പെടുമെന്ന കേജരിവാളിന്റെ പരാമര്ശത്തെ തള്ളി ഡല്ഹി പോലീസും രംഗത്തെത്തി. തങ്ങള് ചെയ്യുന്ന ജോലിയില് ആത്മാര്ത്ഥതയുള്ളവരാണെന്നാണ് ഡല്ഹി പോലീസ് പ്രസ്താവനയിലൂടെ മറുപടി നല്കിയത്.