കൊൽക്കത്ത:പശ്ചിമ ബംഗാൾ മുഖ്യമന്ത്രി മമത ബാനർജിയ്‌ക്കെതിരെ രൂക്ഷ വിമർശനവുമായി ബിജെപി ദേശീയ അദ്ധ്യക്ഷൻ ജെ.പി.നദ്ദ. പെൺവാണിഭ കേസുകൾ ഏറ്റവും കൂടുതൽ ഉള്ളത് മമതയുടെ ഭരണത്തിന് കീഴിലാണെന്ന് ജെ.പി.നദ്ദ തുറന്നടിച്ചു. ത്രിപുരയിൽ സന്ദർശനം നടത്തുന്ന വേളയിൽ മാദ്ധ്യമങ്ങളോട് പ്രതികരിക്കുകയായിരുന്നു ബിജെപി അദ്ധ്യക്ഷൻ.തൃണമൂൽ കോൺഗ്രസിന്റേത് ജനവിരുദ്ധ നയമാണെന്നും, മമത ഭരണത്തിന് കീഴിൽ നടക്കുന്ന അഴിമതിക്കും കെടുകാര്യസ്ഥതയ്‌ക്കും സ്ത്രീപീഡനത്തിനും എതിരാണ് ബിജെപി എന്നും അദ്ദേഹം തുറന്നടിച്ചു.
പശ്ചിമ ബംഗാളിലെ ആരോഗ്യം, വിദ്യാഭ്യാസം, നിയമവാഴ്ച എന്നിവയുടെ അവസ്ഥയെന്താണെന്ന് അദ്ദേഹം തുറന്നടിച്ചു . തൃണമൂൽ കോൺഗ്രസ് നേതാക്കൾ അഴിമതി ആരോപണങ്ങൾ നേരിടുന്ന സാഹചര്യത്തിൽ ബിജെപിയെ മമത ബാനർജി വെല്ലുവിളിച്ചിരുന്നു. ധൈര്യമുണ്ടെങ്കിൽ തന്നെ ജയിലിലടയ്‌ക്കു എന്നായിരുന്നു മമതയുടെ വെല്ലുവിളി. ഇത് സംബന്ധിച്ച് പ്രതികരിക്കുകയായിരുന്നു ജെ.പി.നദ്ദ.
