പാറ്റ്ന: ബിഹാറിൽ ഇന്നലെ ഉണ്ടായ ബോട്ട് അപകടത്തിൽ പത്തോളം പേരെ കാണാതായി. ഗംഗ നദിയിലാണ് അപകടം. ധാനാപൂരില് വച്ചാണ് അപകടം നടന്നത്. ജോലി കഴിഞ്ഞ് മടങ്ങുന്ന തൊഴിലാളികളാണ് ബോട്ടില് യാത്ര ചെയ്തിരുന്നത്.
50 പേരില് കൂടുതല് ബോട്ടിൽ ഉണ്ടായിരുന്നു. 42 പേരെ രക്ഷപ്പെടുത്തിയതായി അധികൃതർ അറിയിച്ചു. അപകടം നടന്ന ഭാഗത്ത് നദിക്ക് വലിയ ആഴമുണ്ട്. ദേശിയ ദുരന്ത നിവാരണ സേന സ്ഥലത്തെത്തി തെരച്ചിൽ നടത്തുകയാണ്. കാണാതായ പത്തോളം പേരുടെ മൃതദേഹം ഇതുവരെ കണ്ടെത്താനായില്ല.
സംസ്ഥാന ദുരന്തനിവാരണ സേനയ്ക്ക് പുറമേ ദേശീയ ദുരന്തനിവാരണ സേനയും ചേര്ന്നാണ് രക്ഷാപ്രവര്ത്തനം നടത്തുന്നത്. അപകടത്തില്പെട്ടവരെല്ലാം ദാവൂദ്പൂര് സ്വദേശികളാണ്. യാത്രക്കാര്ക്ക് പുറമേ വലിയ അളവില് കാലിത്തീറ്റയും ബോട്ടില് സൂക്ഷിച്ചിരുന്നതായി പൊലീസ് പറഞ്ഞു.
