മുംബൈ : ബോളിവുഡ് നടനും നിർമ്മാതാവും നിരൂപകനുമായ കെ ആർ കെ അറസ്റ്റിൽ. 2020-ൽ അദ്ദേഹം നടത്തിയ വിവാദ പരാമർശത്തിന്റെ പേരിലാണ് അറസ്റ്റ് . ട്വിറ്ററിലൂടെയായിരുന്നു വിവാദ പരാമർശം. വിമാനത്താവളത്തിൽ എത്തിയ അദ്ദേഹത്തെ മലാഡ് പോലീസ് അറസ്റ്റ് ചെയ്യുകയായിരുന്നു . വിശദമായ ചോദ്യം ചെയ്യലിന് ശേഷമാണ്അറസ്റ്റ് രേഖപ്പെടുത്തിയത് . യുവസേന അംഗം രാഹുൽ കനാൽ ആണ് കമാൽ ആർ ഖാനെതിരെ മലാഡ് പോലീസ് സ്‌റ്റേഷനിൽ പരാതി നൽകിയത്. 2020ൽ ഇർഫാൻ ഖാനും ഋഷി കപൂറിനുമെതിരെ സോഷ്യൽ മീഡിയ ആക്രമണം നടത്തിയതിന് കെ ആർ കെ ക്കെതിരെ കേസെടുത്തതിനെ തുടർന്നാണ് അറസ്റ്റ്. 2020 ൽ അദ്ദേഹത്തിനെതിരെ ലുക്കൗട്ട് നോട്ടീസ് പുറപ്പെടുവിക്കുകയും എഫ്‌ഐആർ രജിസ്റ്റർ ചെയ്യുകയും ചെയ്തു. യുവസേന അംഗം രാഹുൽ കനലാണ് പരാതി നൽകിയത്. ഇയാളെ ഇന്ന് രാത്രി 11 മണിക്ക് ബോറിവലി കോടതിയിൽ ഹാജരാക്കും.ഐപിസി 153 എ, 294, 500, 501, 505, 67, 98 വകുപ്പുകൾ പ്രകാരമാണ് അറസ്റ്റ്.
“എന്റെ പരാതിയിൽ കമൽ ആർ ഖാനെ ഇന്ന് അറസ്റ്റ് ചെയ്തു. മുംബൈ പോലീസിന്റെ ഈ നടപടിയെ ഞാൻ സ്വാഗതം ചെയ്യുന്നു. അയാൾ സോഷ്യൽ മീഡിയയിൽ അപകീർത്തികരമായ പരാമർശങ്ങൾ നടത്തുകയും മോശം ഭാഷ ഉപയോഗിക്കുകയും ചെയ്യുന്നു. ഇത്തരത്തിലുള്ള പെരുമാറ്റം സമൂഹത്തിൽ അംഗീകരിക്കാനാവില്ല – രാഹുൽ കനാൽ പറഞ്ഞു.
