ലണ്ടന്: ബ്രെക്സിറ്റ് കരാറില് ബ്രിട്ടണില് അനിശ്ചിതത്വം നിലനില്ക്കെ പ്രധാനമന്ത്രി തെരേസ മേയും യൂറോപ്യന് യൂണിയന് പ്രസിഡന്റ് ജീന് ക്ലോഡ് ജങ്കറുമായുള്ള കൂടിക്കാഴ്ച നാളെ നടക്കുമെന്ന് സൂചന. ബ്രെക്സിറ്റ് കരാര് പുതുക്കുന്നതു സംബന്ധിച്ച് ചര്ച്ച സാധ്യമല്ലെന്ന് യൂറോപ്യന് യൂണിയന് വ്യക്തമാക്കിയ സാഹചര്യത്തിലാണ് കൂടിക്കാഴ്ച.
ബ്രിട്ടീഷ് പാര്ലമെന്റ് വന് ഭൂരിപക്ഷത്തോടെ ബ്രെക്സിറ്റിലെ ആദ്യത്തെ കരാര് തള്ളിയത് മേയ് സര്ക്കാരിനു കനത്ത തിരിച്ചടിയായിരുന്നു. ഐറിഷ് അതിര്ത്തി സംബന്ധിച്ച ആദ്യകരാറിലെ വ്യവസ്ഥ ബ്രെക്സിറ്റിന്റെ ഭാഗമാണെന്നും ഇതു സംബന്ധിച്ചു പുനരാലോചന സാധ്യമല്ലെന്നുമായിരുന്നു യൂറോപ്യന് യൂണിയന്റെ നിലപാട്.