ഡെറാഡൂൺ: കൊക്കയിലേക്ക് ബസ് മറിഞ്ഞ് അപകടം. ഉത്തരാഖണ്ഡിലെ മസ്സൂറി-ഡെറാഡൂൺ പാതയിലാണ് അപകടമുണ്ടായത്. ബസിൽ 39 യാത്രക്കാരുണ്ടായിരുന്നു. ഇന്തോ-ടിബറ്റൻ അതിർത്തി പോലീസിന്റെ ക്യാമ്പിന് സമീപമായിരുന്നു സംഭവം.
ഡെറാഡൂണിൽ നിന്ന് മസൂറിയിലേക്ക് പോകുന്ന ബസാണ് അപകടത്തിൽപെട്ടത്. നിയന്ത്രണം വിട്ട ബസ് പെട്ടെന്ന് സമീപമുള്ള കൊക്കയിലേക്ക് മറിയുകയായിരുന്നു. അപകടസമയത്ത് പ്രദേശത്ത് കനത്ത മഴയായിരുന്നു.
ഞായറാഴ്ച ഉച്ചയ്ക്ക് 1.25ഓടെയായിരുന്നു അപകടം. രക്ഷാപ്രവർത്തനത്തിനായി ഐടിബിപി ക്യാമ്പിലെ പോലീസുകാർ ഉടൻ സ്ഥലത്തെത്തി. പരിക്കേറ്റവരെ സമീപത്തെ ആശുപത്രിയിൽ എത്തിച്ചു. അപകടത്തിൽ ആർക്കും ജീവഹാനി സംഭവിച്ചിട്ടില്ലെന്നാണ് പ്രാഥമിക വിവരം.