കൊച്ചി: ചമ്രവട്ടം റെഗുലേറ്റർ കം ബ്രിഡ്ജ് അഴിമതി കേസിൽ മുൻ പൊതുമരാമത്ത് വകുപ്പ് സെക്രട്ടറി ടി.ഒ സൂരജ് ഉൾപ്പടെ 9 പേർക്കെതിരെ വിജിലൻസ് കേസെടുത്തു. എറണാകുളം വിജിലന്സ് യൂണിറ്റാണ് കേസെടുത്തത്. ഒന്പത് പേരാണ് പ്രതിപ്പട്ടികയില് ഉള്ളത്. എന്നാൽ അതിൽ അഞ്ച് പേര് കേരള സ്റ്റേറ്റ് കണ്സ്ട്രക്ഷന് കോര്പറേഷന് ഉദ്യോഗസ്ഥരാണ്. ബാക്കിയുള്ള മൂന്ന് പേര് കരാര് കമ്പനിയായ സനാതന് ഇന്ഫ്രാ സ്ട്രക്ച്ചേഴ്സ് ആന്റ് ഡെവലപ്പേഴ്സ് പ്രൈവറ്റ് ലിമിറ്റഡ് പ്രതിനിധികളാണ്. തുടർന്ന് എഫ്.ഐ.ആര്. മൂവാറ്റുപുഴ വിജിലന്സ് കോടതിയില് സമര്പ്പിച്ചു.
മലപ്പുറം ജില്ലയിലെ ഭാരതപ്പുഴയുടെ കുറുകെ 2012-13 കാലഘട്ടത്തില് മേജര് ഇറിഗേഷന് വകുപ്പ് നിര്മ്മിച്ച ചമ്രവട്ടം റഗുലേറ്റര് കം ബ്രിഡ്ജിന്റെ അഞ്ച് അപ്രോച്ച് റോഡുകള്ക്ക് ടെണ്ടര് വിളിക്കാതെ കരാര് നല്കിയെന്നാണ് കേസ്. എന്നാൽ, പാലത്തിന്റെ അപ്രോച്ച് റോഡ് നിര്മാണത്തില് രണ്ട് കോടി രൂപയുടെ നഷ്ടം സര്ക്കാരിന് ഉണ്ടാക്കി എന്നാണ് വിജിലന്സിന്റെ പ്രാഥമിക കണ്ടെത്തല്.