പന്തളം: പന്തളം രാജകുടുംബാംഗം ചോതിനാൾ അംബിക തമ്പുരാട്ടി അന്തരിച്ചു. കൈപ്പുഴ തെക്കേമുറി കൊട്ടാരത്തിൽ മൂലം നാൾ ലക്ഷ്മി തമ്പുരാട്ടിയുടെയും കടിയക്കോൽ ശങ്കരനാരായണൻ നമ്പൂതിരിയുടെയും മകളാണ് ചോതിനാൾ അംബിക തമ്പുരാട്ടി. 76 വയസ്സായിരുന്നു. ഇന്ന് രാവിലെ 5.20 ടെയായിരുന്നു അന്ത്യം.
മകൾ അംബികാ വർമ്മ. ഭർത്താവ് മാവേലിക്കര ഗ്രാമത്തിൽ കൊട്ടാരത്തിൽ നന്ദകുമാർ വർമ്മ.
തിരുവാഭരണ ഘോഷയാത്രയ്ക്ക് ഇത്തവണ രാജപ്രതിനിധി ഉണ്ടാകില്ല. വലിയ കോയിക്കൽ ശ്രീധർമ്മശാസ്താ ക്ഷേത്രവും തിരുവാഭരണ മാളികയും ചോതിനാൾ അംബിക തമ്പുരാട്ടിയുടെ മരണത്തെ തുടർന്ന് അടച്ചു. ഇന്ന് മുതൽ തിരുവാഭരണ ദർശനവും ഉണ്ടായിരിക്കുകയില്ല. 11 ദിവസം ക്ഷേത്രം അടച്ചിടും. ശുദ്ധി ക്രിയകൾക്കു ശേഷം ക്ഷേത്രം തുറക്കും. പതിമൂന്നാം തീയതി പന്തളത്ത് നിന്ന് ഘോഷയാത്ര യാത്ര ആകുന്ന ചടങ്ങ് മാത്രമേ ഉണ്ടായിരിക്കുകയുള്ളൂ. തിരുവാഭരണ ഘോഷയാത്രയ്ക്ക് യാതൊരു തടസ്സവുമുണ്ടാകില്ല.