ദില്ലി: കഴിഞ്ഞ 24 മണിക്കൂറിനിടെ രാജ്യത്ത് 13,596 പേർക്ക് കൂടി കോവിഡ് (Covid Updates In India). എട്ടുമാസത്തിനിടെ ഏറ്റവും കുറഞ്ഞ പ്രതിദിന വർദ്ധനവ് ആണ് ഇന്ന് റിപ്പോർട്ട് ചെയ്തിരിക്കുന്നത്. അതേസമയം 166 മരണങ്ങൾ കൂടി സ്ഥിരീകരിച്ചു. നിലവില് 1,89,694 പേരാണ് രോഗം ബാധിച്ച് ചികിത്സയില് കഴിയുന്നതെന്ന് കേന്ദ്ര ആരോഗ്യമന്ത്രാലയത്തിന്റെ കണക്കുകള് വ്യക്തമാക്കുന്നു. ഇതില് 7,555 പേര്ക്കും വൈറസ് ബാധ സ്ഥിരീകരിച്ചത് കേരളത്തിലാണ്.
കേരളത്തിലും കുറഞ്ഞ് പ്രതിദിന കോവിഡ് രോഗികൾ
കേരളത്തില് ഇന്നലെ 73,157 സാമ്പിളുകളാണ് പരിശോധിച്ചത്. അതിൽ 7,555 പേര്ക്ക് ആണ് കോവിഡ് സ്ഥിരീകരിച്ചത്. 10,773 പേര് പുതുതായി രോഗമുക്തി നേടിയത്.തൃശൂര് 998, എറണാകുളം 975, തിരുവനന്തപുരം 953, കോഴിക്കോട് 746, കോട്ടയം 627, കൊല്ലം 604, കണ്ണൂര് 446, മലപ്പുറം 414, പത്തനംതിട്ട 377, ഇടുക്കി 365, പാലക്കാട് 345, ആലപ്പുഴ 303, വയനാട് 271, കാസര്ഗോഡ് 131 എന്നിങ്ങനെ യാണ് ജില്ലകളില് രോഗ ബാധ സ്ഥിരീകരിച്ചത്. പ്രതിവാര ഇന്ഫെക്ഷന് പോപ്പുലേഷന് റേഷ്യോ (WIPR) പത്തിന് മുകളിലുള്ള 158 തദ്ദേശ സ്വയംഭരണ പ്രദേശങ്ങളിലായി 211 വാര്ഡുകളാണുള്ളത്. ഇവിടെ കര്ശന നിയന്ത്രണമുണ്ടാകും.
സംസ്ഥാനത്തെ വിവിധ ജില്ലകളിലായി 3,11,361 പേരാണ് ഇപ്പോള് നിരീക്ഷണത്തിലുള്ളത്. ഇവരില് 3,01,156 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 10,205 പേര് ആശുപത്രികളിലും നിരീക്ഷണത്തിലാണ്. 901 പേരെയാണ് പുതുതായി ആശുപത്രിയില് പ്രവേശിപ്പിച്ചത്.
അതേസമയം ഏറെ നാളുകൾക്ക് ശേഷം ആദ്യമായാണ് രാജ്യത്ത് സജീവ രോഗികളുടെ എണ്ണം രണ്ട് ലക്ഷത്തിൽ താഴെയാകുന്നത്. കോവിഡ് ആരംഭിച്ചതിന് ശേഷം ഇതുവരെ 59,19,24,874 സാമ്പിളുകൾ പരിശോധിച്ചു. കോവിഡ് വാക്സിനേഷൻ ആരംഭിച്ചതിന് പിന്നാലെ ഇതുവരെ 97.79 കോടി വാക്സിൻ ഡോസുകളാണ് നൽകിയത്.