ദില്ലി: രാജ്യത്ത് പ്രതിദിന കോവിഡ് കേസുകളുടെ എണ്ണത്തില്‍ വീണ്ടും വര്‍ധന രേഖപ്പെടുത്തി. കഴിഞ്ഞ 24 മണിക്കൂറിനിടെ രാജ്യത്ത് 17,073 പേർക്കാണ് രോഗബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ രാജ്യത്ത് 21 പേര്‍ കോവിഡിനെ തുടര്‍ന്ന് മരണപ്പെട്ടു. നിലവില്‍ 98.58 ശതമാനമാണ് രാജ്യത്തെ കോവിഡ് രോഗമുക്‌തി നിരക്ക്.
രോഗബാധിതരുടെ എണ്ണത്തിൽ വരുന്ന വർധനവ് ജനങ്ങളെ ആശങ്കാകുലരാക്കുന്നുണ്ട്. രാജ്യത്ത് നിലവില്‍ രോഗബാധിതരായി ചികില്‍സയില്‍ കഴിയുന്നവരുടെ എണ്ണം 94,420 ആയി ഉയര്‍ന്നു. 15,208 ആളുകളാണ് കഴിഞ്ഞ 24 മണിക്കൂറില്‍ രാജ്യത്ത് രോഗമുക്‌തി നേടിയത്.
ആരോഗ്യ മന്ത്രാലയത്തിന്റെ കണക്ക് അനുസരിച്ച് രാജ്യത്ത് ഇതുവരെ 4,34,07,046 ആളുകള്‍ക്ക് കോവിഡ് ബാധിക്കുകയും, 5,25,020 ആളുകള്‍ കോവിഡിനെ തുടര്‍ന്ന് മരിക്കുകയും ചെയ്‌തു. 5.26 ശതമാനമാണ് രാജ്യത്തെ നിലവിലെ പ്രതിദിന കോവിഡ് പോസിറ്റിവിറ്റി നിരക്ക്.
