ദില്ലി : ഇനിമുതൽ ഗർഭിണികൾക്ക് കോവിഡ് വാക്സിൻ നൽകാമെന്ന് കേന്ദ്ര ആരോഗ്യ മന്ത്രാലയം. ഇതു സംബന്ധിച്ച ദേശീയ സമിതിയുടെ ശിപാർശയ്ക്ക് കേന്ദ്രം അംഗീകാരം നൽകി. കോവിൻ ആപ്പിൽ രജിസ്റ്റർ ചെയ്തോ ഏറ്റവും അടുത്തുള്ള കേന്ദ്രത്തിൽ നേരിട്ടെത്തിയോ വാക്സിൻ സ്വീകരിക്കാമെന്നാണ് ആരോഗ്യ മന്ത്രാലയം വ്യക്തമാക്കിയത്.
വാക്സിൻ നൽകുന്നതിനുള്ള മാർഗ നിർദേശങ്ങളും ആരോഗ്യ മന്ത്രാലയം പുറത്തിറക്കിയിട്ടുണ്ട്. വാക്സിൻ നൽകുന്നതിന് മുൻപായി ഇതിന്റെ പാർശ്വഫലങ്ങളെക്കുറിച്ച് ഗർഭിണികളെ പൂർണമായി പറഞ്ഞു മനസിലാക്കണം, ശേഷം അവരുടെ സമ്മതത്തോടെ മാത്രമേ വാക്സിൻ നൽകാവൂ എന്നും ആരോഗ്യ മന്ത്രാലയം വ്യക്തമാക്കി.