എയർ ട്രാഫിക് കൺട്രോൾ മേഖലയിലെ പ്രതിസന്ധി! പക്ഷേ കോളടിച്ചത് ഗെയിമർമാർക്ക് !!

ആധുനിക വ്യോമയാന മേഖലയുടെ സുരക്ഷാ നട്ടെല്ല് എന്ന് വിശേഷിപ്പിക്കാവുന്നത് വിമാനത്താവളങ്ങളിലെ എയർ ട്രാഫിക് കൺട്രോൾ സംവിധാനത്തെയാണ്. വിമാനങ്ങളുടെ ആകാശയാത്രയും ലാൻഡിംഗും ടേക്ക് ഓഫും നിയന്ത്രിക്കുന്ന ഈ വിഭാഗം, സെക്കൻഡുകളുടെ വ്യത്യാസത്തിൽ വലിയ അപകടങ്ങൾ ഒഴിവാക്കാൻ അഹോരാത്രം പരിശ്രമിക്കുന്നു. എന്നാൽ നിലവിൽ ആഗോളതലത്തിൽ, പ്രത്യേകിച്ച് അമേരിക്കയിൽ, ഈ മേഖല കടുത്ത തൊഴിൽക്ഷാമം നേരിടുകയാണ്. ഈ പ്രതിസന്ധി പരിഹരിക്കാനായി അമേരിക്കൻ ഫെഡറൽ ഏവിയേഷൻ അഡ്മിനിസ്ട്രേഷൻ (FAA) മുന്നോട്ടുവെക്കുന്ന വിപ്ലവകരമായ ഒരു നിർദ്ദേശമാണ് വീഡിയോ ഗെയിം പ്രേമികളെ ഈ തൊഴിലിലേക്ക് ആകർഷിക്കുക എന്നത്.