ദില്ലി: ദില്ലി കാളിന്ദി കുഞ്ച് മെട്രോ സ്റ്റേഷനു സമീപമുള്ള ഫര്‍ണിച്ചര്‍ മാര്‍ക്കറ്റില്‍ വന്‍ തീപിടിത്തം. ആര്‍ക്കും പരിക്കേറ്റതായി റിപ്പോര്‍ട്ടില്ല. വെള്ളിയാഴ്ച രാവിലെ അഞ്ച് മണിയോടെയാണ് തീപിടിത്തമുണ്ടായത്. അഗ്നിശമനസേനയുടെ 17 യൂണിറ്റുകള്‍ എത്തിയാണ് തീയണക്കാന്‍ ശ്രമിക്കുന്നത്.
മജെന്ത ലൈനിലെ മെട്രോ ട്രെയിന്‍ സര്‍വീസിനെയും തീപിടിത്തം ബാധിച്ചു. തീ നിയന്ത്രണ വിധേയമാക്കുന്നതു വരെ ഷഹീന്‍ ബാഗ് മുതല്‍ ബോട്ടാണിക്കല്‍ ഗാര്‍ഡന്‍ വരെയുള്ള സര്‍വീസുകള്‍ നിര്‍ത്തിവച്ചിരിക്കുകയാണ്. അതേസമയം, തീപിടിത്തമുണ്ടാകാനുള്ള കാരണം വ്യക്തമല്ല.
