തിരുവനന്തപുരം : മലയാളം സര്വകലാശാല വൈസ് ചാന്സലറായി ഗവര്ണര് ആരിഫ് മുഹമ്മദ് ഖാൻ, ഡോ. എല്. സുഷമയെ നിയമിച്ചു. നിലവിൽ ശങ്കരാചാര്യ സര്വകലാശാലയിലെ മലയാളം പ്രഫസറാണ് സുഷമ. സര്ക്കാര് നല്കിയ പട്ടികയില് നിന്നാണ് വൈസ് ചാന്സലറെ നിയമിച്ചിരിക്കുന്നത്. നേരത്തെ മലയാളം വിസിയായി ഡോ. പി.പി.എസ്.രാധാകൃഷ്ണന്റെ പേരു മാത്രമാണ് സര്ക്കാര് നല്കിയത്. ഇത് ഗവര്ണര് നിരസിച്ചതോടെ എല്.സുഷമയുടേത് ഉള്പ്പെടെ മൂന്നംഗ പാനല് നല്കുകയായിരുന്നു.
എംജി സര്വകലാശാല വൈസ് ചാന്സലറായി സി.ടി.അരവിന്ദ് കുമാറിനെയും നിയമിച്ചിട്ടുണ്ട് . എം.ജി സര്വകലാശാല വി.സി സ്ഥാനത്തേക്ക് സര്ക്കാര് നല്കിയ രണ്ടു പാനലിലും അദ്ദേഹം ഉൾപ്പെട്ടിരുന്നു. എന്നാൽ സാബു തോമസിന്റെ പേര് ഉള്പ്പെടുത്തിയ പാനല് ആദ്യം ഗവര്ണര് നിരസിച്ചു. ഇതിനെത്തുടർന്ന് സാബു തോമസിനെ മാറ്റി സുദര്ശനകുമാറിനെ ഉള്പ്പെടുത്തിയാണ് മൂന്നംഗ പാനല് രണ്ടാമത് സമർപ്പിച്ചത്.