തിരുവനന്തപുരം: ശ്രീ പത്മനാഭസ്വാമി ക്ഷേത്ര പരിസരത്തു വീണ്ടും ഡ്രോണ് പറന്നു. കഴിഞ്ഞ ദിവസം രാത്രി പത്തരയോടെയാണ് ക്ഷേത്രത്തിലെ വടക്കേനടയുടെ ഭാഗത്തുനിന്നു തെക്കേനട ഭാഗത്തേക്കു ഡ്രോണ് പറക്കുന്നതു പോലീസിന്റെ ശ്രദ്ധയില്പ്പെട്ടത്.
സിസിടിവിയില് ഡ്രോണിന്റെ ദൃശ്യങ്ങള് പതിഞ്ഞതു ശ്രദ്ധയില്പ്പെട്ട പോലീസ് സംഘം ഡ്രോണ് പറന്ന ഭാഗത്തേക്കു നിരീക്ഷണം നടത്തിയെങ്കിലും ഡ്രോണ് കണ്ടെത്താനായില്ല. പത്മനാഭസ്വാമി ക്ഷേത്ര പോലീസിന്റെ പരാതിയുടെ അടിസ്ഥാനത്തില് ഫോര്ട്ട് പോലീസ് അന്വേഷണം ആരംഭിച്ചു.
പോലീസ് ക്ഷേത്രത്തിലെ സിസിടിവി കാമറയിലെ ദൃശ്യങ്ങള് സൂക്ഷ്മമായി പരിശോധിച്ചെങ്കിലും ഡ്രോണിന്റെ സാന്നിധ്യം കണ്ടെത്താനായിട്ടില്ലെന്നു പോലീസ് വ്യക്തമാക്കി. മൂന്നു മാസം മുന്പു വിഴിഞ്ഞം ഭാഗത്തും വിഎസ്എസ് സി പരിസരത്തും ഡ്രോണ് പറന്നത് ആശങ്ക പരത്തിയിരുന്നു.