ദില്ലി: ജുലൈ 16 ന് എല്ലാ ബി ജെ പി എം പിമാരോടും ദില്ലിയിലെത്താൻ നിർദ്ദേശം നൽകിയതായി റിപ്പോർട്ട്. രാഷ്ട്രപതി തെരഞ്ഞെടുപ്പിനോടനുബന്ധിച്ചാണ് നേതൃത്വം ഇതുസംബന്ധിച്ച നിര്ദേശം നല്കിയത്. ജൂലൈ 18നാണ് രാഷ്ട്രപതി തെരഞ്ഞെടുപ്പ്.
തെരഞ്ഞെടുപ്പില് എല്ലാ അംഗങ്ങളുടേയും പങ്കാളിത്തം ഉറപ്പിക്കാനാണിത്. ഈ രണ്ട് ദിവസങ്ങളില്, രാഷ്ട്രപതി തെരഞ്ഞെടുപ്പില് എങ്ങനെ വോട്ട് ചെയ്യണമെന്നതിനെക്കുറിച്ച് പരിശീലനം നല്കുമെന്നും ബി ജെ പി ദേശീയ അധ്യക്ഷന് ജെ പി നദ്ദ പാര്ടി എം പിമാര്ക്കായി അത്താഴ വിരുന്ന് സംഘടിപ്പിക്കുമെന്നും പാര്ട്ടി വൃത്തങ്ങളെ ഉദ്ധരിച്ച് വാര്ത്ത ഏജൻസികൾ റിപ്പോർട്ട് ചെയ്തു.
ദ്രൗപതി മുര്മു ആണ് ബി ജെ പിയുടെ നേതൃത്വത്തിലുള്ള എന് ഡി എയുടെ രാഷ്ട്രപതി സ്ഥാനാര്ഥി. ഒഡിഷയിലെ മയൂര്ബഞ്ച് ജില്ലയില് നിന്നുള്ള ബി ജെ പി നേതാവാണ് ദ്രൗപതി മുര്മു. വൈ എസ് ആര് കോണ്ഗ്രസിന്റെയും ബി ജെ ഡിയുടെയും പിന്തുണ മുര്മുവിനുണ്ട്.