അസം: അസമിന്റെ തലസ്ഥാന നഗരമായ ഗുവാഹത്തിയിൽ 130 കോടി രൂപ വിലമതിക്കുന്ന മയക്കുമരുന്ന് (Police) പോലീസ് പിടികൂടി. അസം മുഖ്യമന്ത്രി ഹിമന്ത ബിശ്വ ശർമ്മയാണ് ഇക്കാര്യം അറിയിച്ചത്. 4.6 ലക്ഷം യബ (YABA) ഗുളികകൾ, 12 കിലോഗ്രാം മെറ്റാംഫെറ്റാമൈൻ, 1.5 കിലോഗ്രാം ഹെറോയിൻ എന്നിവ പിടിച്ചെടുത്ത നിരോധിത വസ്തുക്കളിൽ ഉൾപ്പെടുന്നു.
സംഭവവുമായി ബന്ധപ്പെട്ട് രണ്ട് പേരെ ഗുവാഹത്തി പോലീസ് അറസ്റ്റ് ചെയ്തിട്ടുണ്ട്. ബിബേകാനന്ദ ദാസ്, എഡിസിപി ഈസ്റ്റ് & നബജിത് നാഥ്, ഒ സി സോനാപൂർ എന്നിവരുടെ നേതൃത്വത്തിൽ നടത്തിയ ഒരു പ്രധാന പരിശോധനയിൽ 4.6 ലക്ഷം യബ ഗുളികകൾ, 12 കിലോ മെറ്റാംഫെറ്റാമൈൻ, 1.5 കിലോ ഹെറോയിൻ എന്നിവ പിടിച്ചെടുത്തു. രണ്ട് പ്രതികളെ പിടികൂടി,” അസം മുഖ്യമന്ത്രി ഹിമന്ത ബിശ്വ ശർമ്മ ട്വീറ്റ് ചെയ്തു. മണിപ്പൂരില്‍ നിന്ന് അസമിലേക്കാണ് മയക്കുമരുന്ന് കൊണ്ടുവന്നത്. ലോറിയില്‍ ഒളിപ്പിച്ച നിലയിലായിരുന്നു മയക്കുമരുന്നെന്ന് പൊലീസ് പറഞ്ഞു. പൊലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് മയക്കുമരുന്ന് പിടികൂടിയത്.
