ബർമ്മ : മ്യാന്മാറിലും ഇന്ത്യയിലെ അസം, മണിപ്പൂർ, മേഘാലയ തുടങ്ങിയ വടക്കുകിഴക്കൻ സംസ്ഥാനങ്ങളിലും ആൻഡമാൻ നിക്കോബാറിലും ഭൂചലനം ഉണ്ടായതായി റിപ്പോർട്ട് . റിക്ടർ സ്കെയിലിൽ 5.2 തീവ്രത രേഖപ്പെടുത്തിയ ഭൂചലനം ഇന്ന് പുലർച്ചെ 3.52നാണ് മ്യാൻമാറിൽ ഉണ്ടായത്. അസം, മണിപ്പൂർ, മേഘാലയ തുടങ്ങി നിരവധി വടക്കുകിഴക്കൻ സംസ്ഥാനങ്ങളിലും പ്രകമ്പനം അനുഭവപ്പെട്ടു.
ബർമയിൽ നിന്ന് 162 കിലോമീറ്റർ വടക്കുപടിഞ്ഞാറായി 140 കിലോമീറ്റർ താഴ്ച്ചയിലായിരുന്നു ഭൂകമ്പത്തിന്റെ പ്രഭവകേന്ദ്രം.എന്നാൽ, ആളപായങ്ങളോ നാശനഷ്ടങ്ങളോ ഇതു വരെ റിപ്പോർട്ട് ചെയ്തിട്ടില്ല . കഴിഞ്ഞ 24 മണിക്കൂറിനുള്ളിൽ ഇന്ത്യയുടെ കേന്ദ്രഭരണ പ്രദേശമായ , ആൻഡമാൻ നിക്കോബാർ ദ്വീപുകളിലെ ദിഗ്ലിപൂരിൽ റിക്ടർ സ്കെയിലിൽ 4.5 തീവ്രത രേഖപ്പെടുത്തിയ ഭൂചലനം ഉണ്ടായതായി നാഷണൽ സെന്റർ ഫോർ സീസ്മോളജി അറിയിച്ചു.വ്യാഴാഴ്ച്ച ഉച്ചയ്ക്ക് 2.30നാണ് ഇന്ത്യയുടെ കേന്ദ്രഭരണ പ്രദേശമായ ആൻഡമാൻ നിക്കോബാറിൽ ഭൂചലനം ഉണ്ടായത്