സുല്ത്താന്ബത്തേരി: മുത്തങ്ങയിൽ മതിയായ രേഖകളില്ലാതെ കടത്തിയ 519.80 ഗ്രാം സ്വര്ണ്ണം എക്സൈസ് പിടികൂടി. മുത്തങ്ങയിലെ എക്സൈസ് ചെക്പോസ്റ്റ് വഴിയാണ് സ്വര്ണ്ണം കടത്തിയത്. കോഴിക്കോട് കോട്ടൂളി സ്വദേശി ആദിത്യ വിനയ് ജാഥവിനെ എക്സൈസ് കസ്റ്റഡിയില് എടുത്തു. എക്സൈസ് സംഘവും എക്സൈസ് ഇന്റലിജന്സ് ടീമും ചേർന്ന് നടത്തിയ വാഹന പരിശോധനക്കിടെയാണ് സ്വര്ണ്ണം പിടിച്ചെടുത്തത്.
ബെംഗളൂരുവിൽ നിന്നും കേരളത്തിലേക്ക് വന്ന കെഎസ്ആര്ടിസി ബസിലാണ് സ്വർണ്ണം കണ്ടെടുത്തത്. മറ്റു നടപടികൾക്കായി യുവാവിനെയും പിടിച്ചെടുത്ത സ്വര്ണ്ണവും ജി എസ് ടി എന്ഫോഴ്സ്മെന്റ് ഓഫീസര്ക്ക് കൈമാറി.