ദില്ലി: കരസേന മുന് ഉപമേധാവിയും മലയാളിയുമായ ലഫ്. ജനറല് ശരത് ചന്ദ് ബിജെപിയില് ചേര്ന്നു. കേന്ദ്രമന്ത്രി സുഷമ സ്വരാജിന്റെ സാന്നിധ്യത്തിലാണ് ശരത് ചന്ദിന്റെ ബിജെപി ചേർന്നത്.
പ്രധാനമന്ത്രി നരേന്ദ്രമോദിയുടെ നേതൃപാടവമാണ് തന്നെ ബിജെപിയിലേക്ക് ആകര്ഷിച്ചതെന്നും തെരഞ്ഞെടുപ്പ് രാഷ്ട്രീയത്തിലേക്ക് തല്ക്കാലമില്ലെന്നും ശരത് ചന്ദ് പറഞ്ഞു.
1979ല് ഗഡ് വാള് റൈഫില്സില് സൈനിക സേവനം ആരംഭിച്ച ശരത് ചന്ദ് സൊമാലിയയിലെ യുഎന് മിഷനിലും എല്ടിടിക്കെതിരായ ലങ്കന് സമാധാന ദൗത്യത്തിലും പങ്കാളിയായിട്ടുണ്ട്.