Tuesday, November 17, 2026

ഗുജറാത്തിൽ കോൺഗ്രസിന് കനത്ത തിരിച്ചടി; പാർട്ടിയിൽ നിന്നും രാജിവച്ച നേതാവ് ബിജെപിയിലേയ്ക്ക്

അഹമ്മദാബാദ്: ഗുജറാത്തിൽ കോൺഗ്രസിന് കനത്ത തിരിച്ചടി. പാർട്ടിവിട്ട കോൺഗ്രസ് നേതാവ് ബിജെപിയിലേയ്ക്കെന്ന് സൂചന (Gujarat Ex-Congress leader Jayrajsinh Parmar to join BJP). ഗാന്ധിനഗറിൽ നിന്നുള്ള നേതാവായ ജയരാജ്‌സിംഗ് പർമർ ആണ് ബിജെപി അംഗത്വം സ്വീകരിക്കാനൊരുങ്ങുന്നത്. മുതിർന്ന നേതാക്കളുടെ സാന്നിധ്യത്തിലായിരിക്കും പാർട്ടി പ്രവേശനം എന്നാണ് വിവരം.

അതേസമയം കോൺഗ്രസ് നേതൃത്വവുമായുള്ള ഭിന്നതകളെ തുടർന്ന് കഴിഞ്ഞ ദിവസമാണ് പർമർ കോൺഗ്രസ് വിട്ടത്.ഇന്നലെയാണ് ഇതുമായി ബന്ധപ്പെട്ട് അദ്ദേഹം ഔദ്യോഗിക പ്രഖ്യാപനം നടത്തിയത്. ചൊവ്വാഴ്ചയാകും അദ്ദേഹം പാർട്ടി ആസ്ഥാനത്ത് എത്തി അംഗത്വം സ്വീകരിക്കുക. കഴിഞ്ഞ 35 വർഷമായി കോൺഗ്രസിൽ ചേർന്ന് പ്രവർത്തിച്ചിരുന്ന പർമർ നേതൃത്വവുമായുള്ള കടുത്ത ഭിന്നതകളെ തുടർന്നാണ് പാർട്ടി വിട്ടത്. മൂന്ന് പതിറ്റാണ്ടായി കോൺഗ്രസിനൊപ്പം ഉണ്ടായിട്ടും ചുമതലകൾ നൽകാതെ പാർട്ടി തഴഞ്ഞെന്ന് രാജിക്കത്തിൽ അദ്ദേഹം വ്യക്തമാക്കിയിരുന്നു.

Related Articles

Latest Articles