ലഖ്നൗ: സ്കൂളിലെ കായിക മത്സരത്തിനായി പരിശീലിക്കുന്നതിനിടെ 14-കാരൻ ഹൃദയാഘാതമുണ്ടായി മരിച്ചു. ഉത്തർപ്രദേശിലെ അലിഗർ ജില്ലയിലെ സിറൗളി ഗ്രാമത്തിലാണ് ഇക്കഴിഞ്ഞ വെള്ളിയാഴ്ച സംഭാവമുണ്ടായത് . മോഹിത് ചൗധരി എന്ന പതിന്നാലുകാരനാണ് മരണപ്പെട്ടത്.
സുഹൃത്തുക്കളോടൊപ്പം ആദ്യരണ്ട് റൗണ്ട് ഓടിക്കഴിഞ്ഞതിനു പിന്നാലെയാണ് മോഹിത്തിന് ശാരീരികാസ്വാസ്ഥ്യം അനുഭവപ്പെടുകയും കുഴഞ്ഞു വീഴുകയും ചെയ്തത്. ഉടൻ തന്നെ സമീപത്തെ ആശുപത്രിയിൽ എത്തിച്ചുവെങ്കിലും രക്ഷിക്കാൻ സാധിച്ചില്ല. വരുന്ന ശനിയാഴ്ചയായിരുന്നു
സ്കൂളിലെ കായികമത്സരം നിശ്ചയിച്ചിരുന്നത്. ഇക്കഴിഞ്ഞ ഓഗസ്റ്റിൽ വാഹനാപകടത്തിൽ മോഹിത്തിന്റെ അച്ഛൻ മരണപ്പെട്ടിരുന്നു
കഴിഞ്ഞ മാസം അറാനാ ഗ്രാമത്തിലും ഓട്ടത്തിനിടെ ഇരുപതുകാരിയായ മമത എന്ന പെൺകുട്ടി ഹൃദയാഘാതത്താൽ മരിച്ചിരുന്നു. ലോധി നഗറിൽ സുഹൃത്തുക്കൾക്കൊപ്പം കളിക്കുന്നതിനിടെ എട്ടുവയസ്സുകാരിയും ഹൃദയാഘാതത്താൽ മരണപ്പെട്ടിരുന്നു.
