കൊച്ചി: സംസ്ഥാനത്ത് കനത്ത മഴയും കാറ്റും തുടരുന്നു. കനത്ത മഴ തുടരുന്ന തെക്കന് ജില്ലകളില് പമ്പ ഒഴുകുന്ന പത്തനംതിട്ടയില് ജാഗ്രതാ നിര്ദേശം നല്കി. കൊല്ലത്തും എറണാകുളത്തും കടല്ക്ഷോഭം രൂക്ഷമായി. റെഡ് അലര്ട്ട് പ്രഖ്യാപിച്ച ഇടുക്കി ജില്ലയിലെ പാബ്ലാ ഡാമിലെയും കല്ലാര്കുട്ടി ഡാമിലെയും ജലനിരപ്പ് ഉയര്ന്നതിനാല്, ഷട്ടറുകള് തുറന്ന് വെളളം പുറത്തേക്കൊഴുക്കാന് ഇടുക്കി ജില്ലാ കലക്ടര് അനുമതി നല്കി. പെരിയാറിന്റെ ഇരുകരയിലുമുളളവര് ജാഗ്രത പാലിക്കണമെന്ന് സംസ്ഥാന ദുരന്തനിവാരണ അതോറിറ്റി മുന്നറിയിപ്പ് നല്കി.
കനത്ത മഴയില് കാസര്കോട് ജില്ലയിലെ പ്രഫഷണല് കോളേജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ ജില്ലാ കലക്ടര് അവധി പ്രഖ്യാപിച്ചു. കനത്തമഴയെ തുടര്ന്ന് സംസ്ഥാനത്തെ വിവിധ ജില്ലകളില് ജൂലൈ 19 മുതല് 21 വരെ സംസ്ഥാന ദുരന്ത നിവാരണ അതോറിറ്റി റെഡ് ഓറഞ്ച് അലര്ട്ട് പ്രഖ്യാപിച്ചു. ജൂലൈ 19ന് ഇടുക്കി,മലപ്പുറം,കോഴിക്കോട്, വയനാട്,കണ്ണൂര് എന്നീ ജില്ലകളിലും ജൂലൈ 20 ന് കാസര്കോട്, ജൂലൈ 21 ന് കോഴിക്കോട്, വയനാട് എന്നി ജില്ലകളിലും, ജൂലൈ 22ന് ഇടുക്കി, കോഴിക്കോട്, വയനാട് എന്നീ ജില്ലകളിലുമാണ്. കേന്ദ്ര കാലാവസ്ഥാ നിരീക്ഷണ കേന്ദ്രം റെഡ് അലര്ട്ട് പ്രഖ്യാപിച്ചിരിക്കുന്നത്.