ബെംഗളൂരു: ഹിജാബ് (Hijab) ഒഴിച്ചുകൂടാനാകാത്ത മതാചാരത്തിന്റെ ഭാഗമല്ലെന്ന് കര്ണാടക സര്ക്കാര് ഹൈക്കോടതിയില്.സർക്കാർ ഭരണഘടനാ ലംഘനം നടത്തിയിട്ടില്ലെന്നും അഡ്വക്കേറ്റ് ജനറല് കോടതിയില് പറഞ്ഞു. വിശാല ബെഞ്ചിനെയാണ് കർണാടക സർക്കാർ നിലപാട് അറിയിച്ചത്. ഇസ്ലാം മതത്തിലെ ഒഴിവാക്കാനാകാത്ത ആചാരമല്ല ഹിജാബ് എന്നും ഹിജാബ് നിർബന്ധമാക്കാൻ ഭരണഘടനാ ധാര്മ്മികതയില്ലെന്നും കര്ണാടക സര്ക്കാര് കോടതിയില് പറഞ്ഞു. കേസില് ഹൈക്കോടതിയില് നാളെയും വാദം തുടരും
സംഘർഷങ്ങളില്ലാതിരിക്കാൻ ശ്രദ്ധിക്കാമെന്ന് സർക്കാർ കോടതിയെ അറിയിച്ചു. കേസില് ഇന്ന് ആറാം ദിവസമാണ് കര്ണാടക ഹൈക്കോടതിയില് വാദം കേട്ടത്. തിങ്കളാഴ്ചയും വാദം തുടരുമെന്ന് അറിയിച്ച് കോടതി ഇന്നത്തേക്ക് പിരിഞ്ഞു. അതേസമയം അലിഗഢിലെ ഡിഎസ് കോളേജിൽ വിദ്യാർഥികള് ഹിജാബ് ധരിച്ച് കോളേജിലെത്തുന്നത് നിരോധിച്ചുകൊണ്ട് ഉത്തരവിറക്കി. മുഖം മറച്ചുകൊണ്ട് വിദ്യാര്ഥികള് കോളേജ് കാമ്പസില് പ്രവേശിക്കാന് അനുവദിക്കില്ലെന്ന് കോളേജ് പ്രിന്സിപ്പാള് രാജ് കുമാര് വര്മ പറഞ്ഞു. കാമ്പസില് ഹിജാബും കാവി ഷാളും അനുവദിക്കില്ലെന്നും വ്യക്തമാക്കി.
