കൊച്ചി: വീട്ടമ്മയെ നിരന്തരം ഭീഷണിപ്പെടുത്തി പണവും സ്വർണ്ണവും മൊബൈൽ ഫോണും കവർന്ന യൂത്ത് കോൺഗ്രസ് പ്രാദേശിക നേതാവ് പിടിയിൽ. മുളന്തുരുത്തി പെരുമ്പളളി കരയിൽ രാജ്ഭവൻ വെട്ടിക്കാട്ട് വീട്ടിൽ രഞ്ജിത്ത് രാജനാണ് അറസ്റ്റിലായത്. മുളന്തുരുത്തി പോലീസാണ് ഇയാളെ അറസ്റ്റ് ചെയ്തത്.
യൂത്ത് കോൺഗ്രസ് പിറവം നിയോജക മണ്ഡലം പ്രസിഡന്റാണ് പ്രതി രഞ്ജിത്ത്. താൽക്കാലിക ജീവനക്കാരിയായി ജോലിചെയ്തിരുന്ന വീട്ടമ്മയെ സ്ഥിരപ്പെടുത്തിക്കൊടുക്കാമെന്ന് വാഗ്ദാനം ചെയ്ത് വഞ്ചിക്കുകയും കൂടാതെ ബലമായെടുത്ത അവരുടെ ഫോട്ടോകൾ കാണിച്ച് ഭീഷണിപ്പെടുത്തി പണം തട്ടിയെടുക്കുകയും ചെയ്തെന്നാണ് കേസ്.
കഴിഞ്ഞ നാല് വർഷമായി പ്രതി ഇത്തരത്തിൽ തന്റെ പക്കൽ നിന്ന് പണവും സ്വർണവും അപഹരിച്ചെന്നാണ് പരാതിയിലുളളത്.