മാഞ്ചസ്റ്റര്‍ : മഴ കാരണം ഇന്നലെ നിര്‍ത്തിവെച്ച ഇന്ത്യ -ന്യൂസിലന്‍ഡ് ലോകകപ്പ് സെമി ഫൈനല്‍ മത്സരം ഇന്ന് പുനരാരംഭിക്കും. ഇന്നും മഴ കാരണം കളി നടന്നില്ലെങ്കില്‍ ഇന്ത്യ നേരിട്ട് ഫൈനലില്‍ എത്തും. ഐസിസി നിയമം അനുസരിച്ചു മഴമൂലം കളി തുടരാനാകുന്നില്ലെങ്കില്‍ ലോകകപ്പ് സെമിയും ഫൈനലിനും പകരം ദിവസം അനുവദിക്കണമെന്നാണ്.
ഇന്ത്യന്‍ ടീമിനെ ഈ നിയമം ബാധിക്കില്ല .കാരണം ,സെമിയിലെ പകരം ദിനത്തിലും മഴ തുടര്‍ന്നാല്‍ ആദ്യഘട്ടത്തില്‍ ഉയര്‍ന്ന പോയിന്‍റ്റുള്ള ടീം ഫൈനലില്‍ എത്തും.ഇന്ത്യക്ക് ഗ്രൂപ്പ് ഘട്ടത്തില്‍ 15 പോയിന്‍റ്റും ന്യൂസിലന്‍ഡിന് 11 ഉം ആണ് ഉള്ളത് .ഈ അവസരത്തില്‍ ,ഇന്ത്യക്ക് ന്യൂസിലാന്‍ഡിനെ പിന്തള്ളി ഫൈനലില്‍ എത്താം.
ഇന്നലെ നടന്ന കളിയില്‍ ന്യൂസിലന്‍ഡ് 46 .1 ഓവറില്‍ അഞ്ചു വിക്കറ്റ് നഷ്ടത്തില്‍ 211 റണ്‍സ് എടുത്ത് നില്‍കുമ്പോള്‍ ആയിരുന്നു മഴ കാരണം കളി തടസ്സപ്പെട്ടത്. മഴ കാരണം മണിക്കൂറോളം കളി തടസ്സപ്പെട്ടത്. മത്സരം തുടരാനുള്ള ശ്രമങ്ങള്‍ നടത്തി എങ്കിലും ഇടവിട്ട് മഴ എത്തിയതോടെ മത്സരം റിസര്‍വ് ദിനത്തിലേക്ക് മാറ്റുകയായിരുന്നു.
