ഇന്ത്യൻ കരസേനാ മേധാവി ജനറൽ എം.എം. നരവനെ സന്ദർശനത്തിനായി സൗദിയിലെത്തി. സൗദി റോയൽ ഫോഴ്‍സിന്‍റെ റിയാദിലെ ആസ്ഥാനത്ത്സൗദി റോയൽ ഫോഴ്‍സ് കമാൻഡർ ജനറൽ ഫഹദ്ബിൻ അബ്ദുല്ല മുഹമ്മദ്അൽമുതൈർ വരവേറ്റു. സൗദി റോയൽ സൈന്യം ഇന്ത്യൻ കരസേന മേധാവിക്ക്ഗാർഡ്ഓഫ്ഓണർ നൽകി.
പ്രതിരോധ രംഗത്തെ ഇരുരാജ്യങ്ങളുടെയും സഹകരണം മെച്ചപ്പെടുത്താൻ ലക്ഷ്യമിട്ടുള്ള സന്ദർശനം തിങ്കളാഴ്ച രാത്രിയോടെ പൂർത്തിയാകും. ആദ്യമായാണ് ഒരു ഇന്ത്യൻ സൈനിക തലവൻ സൗദി അറേബ്യയിലെത്തുന്നത്. രണ്ടുദിവസത്തെ പര്യടനത്തിനിടയിൽ ഉന്നത പ്രതിരോധ, സൈനിക തല യോഗങ്ങളിൽ അദ്ദേഹം സംബന്ധിക്കുന്നുണ്ട്. പ്രതിരോധ, സൈനിക രംഗത്തെ ഉന്നത ഉദ്യോഗസ്ഥരുമായി കൂടിക്കാഴ്ചകൾ നടത്തുകയും ചെയ്യുന്നു. രാജ്യസുരക്ഷയും പ്രതിരോധവുമായി ബന്ധപ്പെട്ട വിവിധ വിഷയങ്ങളിലെ ഇരുരാജ്യങ്ങളുടെയും കാഴ്ചപ്പാടുകൾ ഈ കൂടിക്കാഴ്ചകൾക്കിടയിൽ കൈമാറും.
റോയൽ സൗദി ലാൻഡ്ഫോഴ്‍സിന് പുറമെ ജോയിൻറ് ഫോഴ്‍സ് കമാൻഡിന്‍റെയും ആസ്ഥാനവും കിങ്അബ്ദുൽ അസീസ് മിലിറ്ററി അക്കാദമിയും ജനറൽ എം.എം. നരവനെ സന്ദർശിക്കും. തിങ്കളാഴ്ച സൗദി നാഷനൽ ഡിഫൻഡ് യൂണിവേഴ്‍സിറ്റി സന്ദർശിക്കുന്ന അദ്ദേഹം വിദ്യാർഥികളെയും വിവിധ ഫാക്കൽറ്റികളെയും അഭിസംബോധന ചെയ്യും.
