ദില്ലി: ജമ്മു കശ്മീരില്‍ സുരക്ഷാസേന വധിച്ച ഭീകരരുടെ കണക്ക് പുറത്ത്. കഴിഞ്ഞ അഞ്ചു വര്‍ഷത്തിനിടെ കൊല്ലപ്പെട്ട ഭീകരരുടെ എണ്ണം കേന്ദ്ര ആഭ്യന്തര മന്ത്രാലയമാണ് പുറത്തുവിട്ടത്.
ജമ്മു കശ്മീരില്‍ വിവിധ ഏറ്റുമുട്ടലുകളിൽ 963 ഭീകരരെയാണ് സുരക്ഷാസേന വധിച്ചത്. കേന്ദ്ര ആഭ്യന്തര സഹമന്ത്രി ജി കിഷന്‍ റെഡ്ഢി ലോക്‌സഭയിലാണ് ഇക്കാര്യം അറിയിച്ചത്.
സൈന്യം വിട്ടുവീഴ്ചയില്ലാത്ത സമീപനം സ്വീകരിക്കുന്നതിന്‍റെ ഭാഗമായാണ് ഭീകരരുടെ എണ്ണം കുറഞ്ഞിരിക്കുന്നത്. ഭീകരരെ നേരിടാനുള്ള ശ്രമത്തിൽ 2014നും 2019നുമിടെ 413 സുരക്ഷാ സൈനികർക്ക് വീരമൃത്യു സംഭവിച്ചതായും മന്ത്രി അറിയിച്ചു.
